Menin Eddōk in Naan in Kam̧ool
Ta meļeļe in n̄an an wōr naan in kam̧ool?
Elisa ekar etal n̄an ruum̧ eo an Buraimere im jijōt iturin eo mōttan Armando.
“Ruwainene!” Sister Russo eaar ba. “Jen ijjino kōn juon al.”
Elisa eaar al ippān ro jet ilo kūlaaj eo. “Tomak ej āinwōt juon ine: Eļan̄n̄e kalbwini, enaaj eddōk” (Bok in Al an Ajri, 96).
Sister Russo eaar ajej peba im kein kōļar. “Kōļmenļo̧kjeņ kōn al eo jaar al kake,” ekar ba. “Eļan̄n̄e kwoj kalbwin ine in tōmak eo am̧, enaaj eddōkļok im erom̧ naan in kam̧ool. Kiiō jin̄a ki ta eo naan in kam̧ool eo am̧ en kar āinwōt n̄e en kar baj juon mennin eddōk.”
Elisa ekar kalimjōk e peba eo an ejjeļo̧k koban. Aolep rekar jino jin̄a. Elisa ekar adikdik ļo̧k n̄an ta eo Armando ej jinaki. Jina eo an ej kwaļo̧k menin eddōk eo kōn juon ajib eo ejim̧we ippān bujin bōllōk. Ej kojekjek in wūt bajil eo ej eddōk ilo eon̄tok eo ilo abaatmen eo an. Bōlen ejja āinwōt in naan in kam̧ool eo an. Ekar dāpij kein kōļar eo an im jin̄aik juon ainwōt jin̄a eo an Armando.
“Jouj im kōppeļļo̧k jeje ko rekwojarjar n̄an Alma 32,” Sister Russo ekar ba.
Rekar riit kōn kaddōk ine ilo bōro im en̄jake an eddōk. Elisa ekar kalimjōk e menin eddōk in naan in kam̧ool eo an. Did elōn̄ an naan in kam̧ool? Ta meļeļen men eo ej ba? E eaar kōņaan kajitok bōtaab ekar en̄jake an lukkuun abōje.
Ke ekar jem̧ļo̧k iien kūlaaj, Sister Russo ekar jibadōk ijo Elisa ej pād ie.
“Ainwōt kom̧ad. “Ewōr ke ta jorrāān?” Sister Russo eaar kajjitōk.
Elisa ekar bar kalimjōk e peba eo an. “Ijjab lukkuun jeļā eļan̄n̄e elōn̄ aō naan in kam̧ool. N̄aij jab lukkuun jeļā ta meļeļein men in.”
Sister Russo ekar etton̄ dikdik ilo jouj n̄an Elisa. “Ej Em̧m̧an Wōt. Kwoj ke keememej wōt ta in tōmak?”
Elisa eaar em̧ajidjid. “Tōmak ilo juon men eo me jejjab maron̄ loe?”
“Ejim̧we!” Sister Russo eaar ba. “Ta jet men ko kwoj tōmak ie?”
Ebidodo uwaak e kajjitōk ņe. “Naij tōmak ilo Jemedwōj Ilan̄ im Jisōs Kraist. Ijelā ke Rej iakwe eo.”
Sister Russo eaar ettōn̄dikdik. “Kwaar kwaļo̧k naan in kam̧ool eo am̧! Naan in kam̧ool ej ta eo kwoj tōmak kōn gospel in.”
Elisa eaar kōļmenļo̧kjen kake. “Melelein ke eaar baj wōr wōt aō naan in kam̧ool?”
“Aaet!” Sister Russo eaar lelōn̄tak jeje ko an rekwojarjar. “Kwoj ke keememej ta eo jekar riit i rainin? Kwoj kajiriri ki ine eo ilo am̧ kōm̧m̧ane jet men āinwōt itok n̄an jikin jar. Innām naan in kam̧ool eo am̧ enaaj kajoor an eddōkļo̧k.”
Elisa eaar en̄jake an meļeļe. “Unin ad kar jin̄aiki naan in kam̧ool ko ad āinwōt menin eddōk ko?”
“Ejejjōt. Kōnke menin eddōk ko rej eddōkļo̧k jidik kōn jidik,” Sister Russo eaar ba. “Naan in kam̧ool rej ejjeļo̧k oktak. Ekka anjab itok ilo juon wōt iien. Ej eddōk jidik ilo juon iien.”
Eaar em̧m̧an ļok an Elisa enjake kin menin eddōk eo eaar jin̄a ki. Ke eaar topar m̧weo im̧on, eaar je “Menin eddōk in naan in Kam̧ool eo Aō” iturin wōt jin̄a eo an. Eaar katoto i ki ikijeen wōt jikin babu eo an. Eaar jeļa ke naan in kam̧ool eo an emoj an jino eddōk. Innem eaar koņņan wonm̧aanļok wōt im ļoore Jisōs bwe en maron̄ eddōk ļak wōt.