Ruwalitōk Ļamļam ko n̄an Kajukun Wōt Juon Kōņaan ko an Mour

Būreejtōn M. Russell Ballard

Ripenej Jenkwan Būreejtōn eo an Doulul eo an Jon̄oulruo Rijilōk ro

Jān juon kōnono ilo kweilo̧k eo eļap Eprōļ 1987.

Ekar wōr ippā jejjo ļamļam ko me ikar kōjatdikdik renaaj aorōk n̄an ro otemjej ekar wōr aer n̄ūrbōktak kōn kajukun wōt juon kōņaan ko an mour.

Juon, ļōmņak kōn mour eo am̧ im kōm̧m̧ani kālet ko im̧aantata. Pukot jet iien aolep iien n̄an lukkuun ļōmņak kōn ia eo kwoj etal ie ļo̧k im ta eo kwonaaj aikuji n̄an tōpar ijeņ. Jisōs, riwaanjon̄ak eo ad, ekkā “A Ej make iaanļo̧k n̄an āne jem̧aden im jar” (Luk 5:16). Jej aikuj in kōm̧m̧ane ejja menin wōt emakijkij n̄an kōkōm̧anm̧anļo̧k kōj make ilo jetōb āinwōt Rilo̧mo̧o̧r eo ekar kōm̧m̧ane. Je jerbal ko kwonaaj kōņaan in kōttōbraki kajjojo raan. Dāpij wōt men eo kwojelā ilo kōļmenļo̧kjeņ bujen ko rekwojarjar kwaar kōm̧m̧ani ippān Irooj ilo am̧ je jikejuuļ ko am̧ aolep raan.
Ruo, kōttōbar ko rekadu kitier me komaron̄ tōpari. Kōm̧m̧ani kōttōbar ko me rem̧m̧an kōttōbraki—rejjab lukkuun lōn̄ barāinwōt rejjab lukkuun iiet, im rejjab lukkuun utiej barāinwōt rejjab lukkuun ettā. Je kōttōbar ko epidodo tōpari im jerbali ekkar n̄an aorōk eo aer. Jar kōn tōl eo ekwojarjar ilo am̧ kōm̧m̧ani kōttōbar ko am̧.
Jilu, jān jejjet kōjparok jāān, peeke lukkuun aikuj ko am̧ im tiljek jon̄i ņae elōn̄ kōņaan ko am̧ ilo mour. Elukkuun lōn̄ armej ro im baam̧le ko rekar jelm̧ae eļap m̧uri. Kōjparok eok jān elōn̄ kareel ko kajjitōk n̄an m̧uri jāān. Epidodo n̄an m̧uri jan kōļļāiki n̄an kōro̧o̧le. Ejjeļo̧k iaļ ko rekadu bwe en lōn̄ joortoklik rej kōjparok kōj ilo jāān. Ejjamin naaj jokkun wōt juon mour ko ad m̧ae iien jāān ko ad rej lukkuun koņ im pād ilo kōjparok.

Keememej in aolep iien kōļļā juon m̧ōttan jon̄oul eo elikio.
Emān, pād epaake wōt eo pāleem̧, ajri ro, ro nukum̧, im ro m̧ōttam̧. Renaaj jipan̄ eok kōjparok juon jokkun wōt juon ilo mour eo am̧. Kalōk jem̧jerā ko ippān baam̧le eo am̧ im ro m̧ōttam̧ ilo am̧ peļļo̧k ilo kōnono im m̧ool.

Juon m̧are em̧m̧an im jem̧jerā em̧m̧an an baam̧le maron̄ kōkōm̧anm̧anļo̧k kōn jouj, iakwe, kōnono ko rem̧m̧an. Keememej bwe emakijkij an juon mirokōn lale, juon nukwij juon māj, juon māmejidjid, ak juon un̄ūr enej kwaļo̧k eļapļo̧k jān naan ko. Katōn̄tōn̄ im em̧m̧an an ron̄jake rej m̧ōttan ko raorōk ilo kōm̧ao ko rem̧m̧an.
Ļalem, katak jeje ko rekwojarjar. Rej letok juon iaan jipan̄ ko rem̧m̧antata n̄an ad ekkejelļo̧k wōt ippān Jetōb eo an Irooj. Juon iaan wāween ko ikar bōk juon jeļāļo̧kjeņ epen bwe Jisōs ej RiKraist eo ej jān aō katak jeje ko rekwojarjar. Būreejtōn Russell M. Nelson ekar kajjitōk ippān ro uwaan Kabun̄ eo n̄an lukkuun ekkatak kōn Bok in Mormon eo aolep raan.
Jiljino, jej aikuj in jikejuuļi juon iien ilo kōļanta eo ad n̄an bwe en bwe iien ad kakkije, kōmouru, im kakkije eļan̄n̄e jej kōņaan lan̄lōn̄ kōn juon mour ājmour im jokkun wōt juon. Em̧m̧an paaktokid ej kōkōm̧anm̧anļo̧k bōnjān ko ad rem̧m̧an im kautiej.
Jiljilimjuon, kōm̧m̧ane nokon in jota eo an baam̧le aolep wiik. Jejjab aikuj in luuji iien in ejenolo̧k n̄an “katakin doon pedped in katak ko an aelōn̄ in kiin̄ eo” (K&B 88:77), eo enaaj tōlļo̧k baam̧le ko n̄an mour indeeo.

Setan ej aolep iien jerbal n̄an kakkure naan in kam̧ool ko ad, ak ej jāmin wōr an kajoor n̄an kapo ak kaabōņōņō kōj ilōn̄ in kajoor eo ad n̄an jum̧ae n̄e jej katak gospel eo im mour kōn kien ko an.
Ļamļam eo aō āliktata ej n̄an emakijkij jar. Komaron̄ jeļā kālet ko rejim̧we n̄an kōm̧m̧ani kajjojo raan ilo emakijkij, m̧ool in jar. N̄e ij ekkejel wōt ilo jetōb eo, ij loe aō maron̄ kajukkun wōt juon men otemjej ilo mour eo aō eļapļo̧k an pidodo.

Ij kile bwe ļamļam ko jet maron̄ kobaiktok n̄an men kein. Ijoke, ij tōmak bwe n̄e jej pedped wōt ioon jejjo jibadbad ko, enej ļapļo̧k ad maron̄ kōjebwebweik elōn̄ kōņaan ko me mour ej letok iood. Keememej, obrak kōn elōn̄ men ko ilo mour emaron̄ kōm̧m̧an ad jebewa. Ilo ejja āinwōt, dik in men ko raorōk emaron̄ barāinwōt kōm̧m̧an ejjeļo̧k oktak. Kiin̄ Benjamin ekar kōkpilōklōk “bwe aolep men kein rej kōm̧m̧an ilo ļoļātāt im koņ” (Mosaia 4:27).

Ekkā wōt an jab alikkar iaļen tōl eo im kōttōbar ko remaron̄ kajejtokjān iien ko im kajoor im letok jab jokkun wōt juon ilo mour ko ad. Lukkuun kōttōbar eo ad ej aikuj in pukot “jab wabanban im mour indeeo” (Moses 1:39). Ippān menin āinwōt kōttōbar eo ad, etke jej joļo̧k jān mour ko ad men ko me jej kōņaan im kōmaat ad ļōmņak, en̄jake, im kajoor ilo ad jab jipan̄ kōj n̄an tōpar e kōttōbar in?

Baj kōm̧m̧ane ijo em̧m̧antata komaron̄e kajjojo raan. Kōm̧m̧ani men ko repidodo im, m̧oktak jān am̧ kile, mour eo am̧ enaaj obrak kōn meļeļe ilo jetōb me enaaj kapen n̄an eok bwe Jemedwōj Ilan̄ ej iakwe eok. N̄e juon armej ej jeļā menin, innām mour enaaj obrak kōn jibadbad im wōr meļeļein, kōm̧m̧an bwe jokkun wōt juon en pidodo wōņaake.