Tokyo, Japan

Pija

Japanese family at a cemetery

Ilo Yanaka Uleej eo ilo Tokyo, Japan, juon baam̧le in Armej ro Rekwojarjar ilo Raan ko Āliktata, Saitōs ro, rej loļo̧k jikin kakeemejej eo an baam̧le eo aer. N̄an er ej juon jikin keememej, ilo m̧ool eļapļo̧k an kwojarjar kōnke kōn jeļā kōn gospel eo bwe baam̧le ko remaron̄ ippān doon n̄an indeeo.

Kautiej baam̧le im rūtto ro elukkuun in aorōk ilo m̧anit in Japan, im Armej ro Rekwojarjar ilo Raan-ko Āliktata Rijapan ro rej lan̄lōn̄ bwe laļ jab en aer ej kiiō jeram̧m̧an kōn jilu tampeļ ko: Tokoyo (eo m̧oktata ilo Asia, kar aje ilo 1980 eo im kiiō ej pād ilo an kōkāāl), Fukuoka (kar aje ilo 2000 eo), im Sapporo (kar aje ilo 2016 eo). Japan ej barāinwōt wōr 64 LDS family history jaņtōr ko ie.

Mijenede ro raar jikrōkļo̧k m̧oktata ilo Japan ilo 1901 eo, tōl jān Elder Hebert J. Grant (1856–1945), eo ilo tōre eo kar juon uwaan Doulul eo an Jon̄oulruo Rijilōk ro im tok ālik kein kajiljilimjuon Būreejtōn an Kabun̄ in. Rainin enan̄in epaakeļo̧k 130,000 ro uwaan ilo Japan ilo 261 jarlepju ko.

Ukook eo kein kajuon an Bok in Mormon n̄an kajin Japan eaar bōk ļalem iiō ko im kar dedeļo̧k ilo 1909 eo. Juon ukook kāāl (revised) kar je ilo 1957 eo.
Im̧ōn jar eo m̧oktata an LDS ilo Asia eaar aje ilo Japan ilo 1964 eo.
Ritōl eo Eutiej an Kabun̄ jān bwijjin Rijapan ekoba Adney Y. Komatsu (1923–2011), kar ļotak ilo Hawaii; Sam K. Shimabukuro (1925-2015), ļotak ilo Hawaii; Yoshihiko Kikuchi, em̧ōj kōtļo̧k im kōkakkijeki; Koichi Aoyagi, em̧ōj kōtļo̧k im kōkakijeiki; Takasi Wada; im Kazhiko Yamashita.