Rikaļoor

Laļ in jej mour ie kar āinwōt ejaake n̄an idajon̄jon̄e kijejeto eo ad āinwōt rikaļoor ro. Ilo ad ekkatak Kallim̧ur Ekāāl iiō in, jemaron̄ in im̧we jān katak ko im waanjon̄ak ko an Jisōs Kraist im rikaļoor ro An, ro raar kajjieon̄ jim̧or katak jān im erom āinwōt M̧aajta eo aer.

Āinwōt rūkaki ro an Kallim̧ur Ekāāl ilo Brigham Young University eo, rijerbal eo m̧ōtta Gaye Strathearn im n̄a kar kwaļo̧k jet ļōmņak ko ilo unin kōnono in kōn jon̄ak ko an rikaļoor jemaron̄ katak jān Meri, jinen Irooj (peij 12), im Jon Jitōnbōro (peij 18). Waanjon̄ak kein ruo raar ilubwilijin rikam̧ool ro reļļap tata an Jisōs Kraist. Ijello̧kin Anij Jemen E make, ejjeļo̧k juon eaar jeļāļo̧k jān jinen Jisōs me E eaar ilo m̧ool Nejin Anij, im Jon eaar bōnbōn ilubwilijin Jon̄oulruo ro m̧oktata im ej alikkar bwe eaar juon iaan ro m̧ōttan Irooj epaake tata.

Wujlepļo̧k eo an rein im rikaļoor ro jet rej katakin kōj ekōjkan ad maron̄ erom rikaļoor ro rejitōnbōro an Jisōs Kraist kōn kōj make im dāpij wōt mour eo ad āinwōt rikaļoor jekdo̧o̧n apan̄ ko an laļ in.

Ilo ad ekkatak kōn Kallim̧ur Ekāāl, jemaron̄ jeļā eļapļo̧k ejjab wōt kōn Jisōs bōtaab ilo m̧ool n̄an an em̧m̧anļo̧k ad jeļā kōn E (lale Jon 17:3).

Ilo kautiej,

Eric D. Huntsman