Kein Kōmāņāān eo Am Ekar Jerbal kōn Tōmak

Lois Mansius

Texas, USA

Ke ļeo pāleeō, Mark, im kar kōm̧ro kar jokwe ippān ajri ro nejūm̧ deddik ilo turōk itōrere parijet ko ilo United States, kōm̧ kar jokwe ilo juon em̧ eo me ekar wōr juon kein kōmāņāān ej kōjerbal wāeļ. N̄an lale jon̄an wāeļ eo ie, kōm̧ kijon̄ kadeļo̧n̄ juon aļaļ in jon̄ak ilowaan nien wāeļ eo. Im eļan̄n̄e wāeļ eo edik, kōm̧ kijon̄ kūrļo̧k kōm̧bani in ittil eo bwe en itok im teen̄i nien wāeļ eo.

Ilo juon iien em̧ōļo ilo Jānwōde, ekar jab ļap jāān ko ippem̧. Jon̄an ikar bōk juon jerbal jimettan raan ilo jota ilo juon rejtōrōn n̄an jipan̄ kabwe jāān ko am, bōtaab ekar jabwe wōt n̄an kōttōbrak aikuj ko. Āliktata ekar itok n̄an kālet n̄an kōļļā juon m̧ōttan jon̄oul ak kōļļā wōņāān kōmeņāān m̧weo im̧ōm̧. Kōm̧ kar jon̄e wāeļ eo im ekar ruo inij (5 cm). Eo me enaaj maron̄ m̧aat ium̧win juon ak ruo raan. ak kōm̧ kar pepe n̄an likūt tōmak eo am ilo Irooj im kōļļā juon m̧ōttan jon̄oul eo am.

Raan eo juon, Mark ekar bar jon̄e wāeļ eo. Im ekar pād wōt ilo ruo inij ko. Mark ekar bar jon̄e raan eo juon, im ekar barāinwōt pād ilo ruo inij ko. Māņāāņ eo ej jo̧ im waļo̧k, ak wāeļ eo ekar jab wanlaļļo̧k. Raan ko ruo tok, wāeļ eo ekar pād wōt ilo ruo inij ko. Ij keememej aō jan̄ kōn dānin kōm̧jaļaļ m̧ōņōņō bwe ilo bon̄ ij ron̄ ainikien kein kōmāņāān eo jo̧. Kein kōmāņāān eo am̧ ekar jab jerbal kōn wāeļ; ekar jerbal kōn tōmak.

Ikar en̄jake āinwōt kōrā eo emej pāleen eo ekar naajdik rikanaan Ilaija im ekar loe bwe e “nien m̧ōn̄ā eo ekar jab jorrāān, barāinwōt nien wāeļ eo ekar jab likjab” (1 Kiin̄ 17:16). Ke ekar itok raan in kōļļā eo, Mark ekar bar juon alen jon̄e wāeļ eo. Iien in jon̄ak eo ekar juon inij (2.5 cm). Kiiō wāeļ eo ekar kālaļļo̧k, ak kiiō ewōr am jāān n̄an kane nien wāeļ eo.

Baam̧le eo am ekar mālijjon̄e kallim̧ur in an Irooj loe ilo Malakai 3:10: “Kom̧win māllejon̄ Eō kiiō ilo men in, Jeova in inelep ej ba, “eļan̄n̄e I jab kapeļļo̧k wūnto ko an lan̄ im lutōkļo̧k jeraam̧m̧an n̄an kom̧ iien enaaj ejjeļo̧k aikuj.”

N̄an jabdewōt eo ej pere kōjeraam̧m̧an ko an kōļļā juon m̧ōttan jon̄oul, ij rōjan̄ er n̄an bōk kajjitōk in an Irooj n̄an “mālijjon̄e E kiiō ilo menin.” Kōļļā juon m̧ōttan jon̄oul ej kōppeļļo̧ke wintō ko an lan̄, im jān pokake im tiljek n̄an kakien im kien ko an Irooj, jej jeraam̧m̧an ilo elōn̄ wāween ko.

Baam̧le eo am ej jāmin meļo̧kļo̧k ke kein kōmāņāān eo am ekar jerbal kōn tōmak ijjelo̧kin wāeļ.