Eļan̄n̄e Kom̧ij Iakwe Eō
Unin tōl eo an jodikdik 2019 iiō in ej juon kūr n̄an m̧akūtkūt—juon naan in karuwainene make jān Rilo̧mo̧o̧r eo ad. Kom̧ij ke aolep bōke? Kom̧ij ke iakwe E? Kom̧ij ke m̧ōņōņō in ļoore bun̄tōn nee ko Neen?
Rilo̧mo̧o̧r eo ad Jisōs Kraist ekar kōm̧m̧ane juon men n̄an kōj eo me jekar jab maron̄ kōm̧m̧ane n̄an kōj. Ta eo Ej kajjitōk bwe jen kōro̧o̧lļo̧k? Ej kajjitōk bwe jen kōjparok kien ko An bwe jen maron̄ jeraam̧m̧an bwe aolep iien Jetōb eo An en maron̄ pād ippād (lale Moronai 4:3.).
Kien ko rej juon menin letok an iakwe. Rilo̧mo̧o̧r ekar ba, “Eļan̄n̄e kom̧ij yokwe Eō, kom̧ naaj kōjparok kien ko Aō,” ak etke? Kōnke Ej iakwe KOM! Ekōņaan bwe kom̧in m̧ōņōņō. Ekōņaan bwe mour eo ami en obrak kōn lan̄lōn̄ im maron̄ ko ejjeļo̧k jem̧ļo̧kier. Ekōņaan bwe kom̧in jokne im kōjparok jān men ko renana an laļ in. Ekōņaan lutōk waj ioom̧i kōjeraam̧m̧an ko ko reļļap “enaaj ejjeļo̧k jikin ebwe n̄an bōk e” (3 Nipai 24:10). Ekōņaan bwe kom̧in jepļaak im mour Ippān bar juon alen im erom̧ ribōk m̧ōttan aolep kōjeraam̧m̧an ko Jemedwōj Ilan̄ ekar kallim̧ur kaki.
Aolep iien keememej ewi jon̄an an Jemedwōj Ilan̄ iakwe ajri ro Nejin. Iakwe eo An n̄an kom̧ ewāppen. Komaron̄ kwaļo̧k am̧ iakwe E ilo kōjparok kien ko An. Makūtkūt ko am̧ rejim̧we renaaj bōktok eļap kōjeraam̧m̧an ko n̄an kwe im armej ro ipeļaakūm̧.
Āinwōt rikanaan eo ad, Būreejtōn Russell M. Nelson, ekar ba: “Jej aikuji eok ippām ilo jarin tariņae eo an jodikdik eo an Irooj. Eban āinwōt m̧okta eļan̄n̄e kwonej jako!” Ej karuwaineneik eok n̄an “jutak [im] oktak jān laļ in” kōn am̧ mour kōn jon̄ak ko ilo For the Strength of Youth im kōn kōjparok kien ko—n̄an “kalimjōk āinwōt, ron̄jake āinwōt, m̧akūtkūt āinwōt, im nuknuk āinwōt juon rikaļoor em̧ool an Jisōs Kraist” (“Hope of Israel” [worldwide youth devotional, June 3, 2018], 8, HopeOfIsrael.lds.org).
Ilo am̧ kajjieon̄ pokake Irooj im rikanaan ro An, kajoor eo an Jetōb Kwojarjar enaaj kobrak eok kōn iakwe eo an Anij im ij kam̧ool n̄an kom̧ kōn kadkad eo am̧ ekwojarjar āinwōt juon ļaddik ak leddik nejin Anij. Kōjeraam̧m̧an kein renej eddōkļo̧k ilo ami kajjieon̄ mour jim̧we. Irooj eo im rikanaan eo rej lōke kom̧. Rej iakwe kom̧. Kōm̧ij kallim̧ur bwe lōke eļap, kam̧ool eo am̧ make, im kaenōm̧m̧an renej itok n̄an kom̧ n̄e kom̧ naaj pokake kien ko an.