Kōjparok kien ko Aō
Konan̄in ke kar ļōmņak, “Ewi wāween aō maron̄ kwaļo̧k n̄an Jemedwōj Ilan̄ bwe ilukkuun kōņaan bwe En uwaake jar ko aō im kōjeraam̧m̧an eō?” Rilo̧mo̧o̧r eo Jisōs Kraist ekar letok n̄an kōj juon kii ke Ekar ba, “Eļan̄n̄e kom̧ij yokwe Eō, kom̧ naaj kōjparok kien ko Aō” (Jon 14:15).
Ilo naan ko jet, jej kwaļo̧k ad iakwe n̄an Jemedwōj Ilan̄ ilo ad kōjparok kien ko.
Jet iien uwaak ko rejjab itok n̄āāt ak wāween eo jej kōtmāne, im maron̄ kapoik kōj bwe jen ebbeer ak bōjrak jān pokake. Ak eļan̄n̄e jej kijenmej im ron̄jake, Irooj enaaj uwaak ilo iien im wāween eo An make. Ej aolep iien uwaake jar ko rejim̧we. E ej aolep iien kōjeraam̧m̧an ro rej pokake (lale Mosaia 2:21–24).
Laļ in ej katakin bwe iakwe ej eddo ko ippān. Ak jum̧ae ej lukkuun m̧ool. Iakwe eo ad n̄an Anij ej kōmeļeļeiki m̧ōņōņō eo ad im niknik kōjparok kien ko An.
Rilo̧mo̧o̧r ekar katakin, “Mool enaaj kōm̧anm̧an anemkwōjami” (Jon 8:32). Rikanaan Alma ekar kwaļo̧k, “jero̧wiwi ejjan̄in kar m̧ōņōņō” (Alma 41:10). Im jān Rikanaan Joseph Smith, Irooj ekar katakin, “ Ewōr juon kien, kar kean̄ kake im ban kajejtokjān ilo lan̄ m̧okta jān foundasōn ko an laļ in, eo me ioon aolep kōjeraam̧m̧an ko rej pedped—Im n̄e jej bōk jabdewōt kōjeraam̧m̧an jān Anij, e ej jān pokake kien eo me ioon e ej pedped” (Katak im Bujen ko 130:20–21).
Lem̧ōņōņō, kōjeraam̧m̧an ko, im tōl rej itok jān pokake. Jemedwōj Ilan̄ ekōņaan bwe kwōn m̧ōņōņō im anemkwoj kōnke Ej iakwe eok, im en̄in etke Ej letok kien ko. N̄an lo aenōm̧m̧an eo ejako ilo laļ in, jej aikuj in ekkatak leļo̧k kōj n̄an ankilaan Jemedwōj Ilan̄ ej wāween eo de in n̄an m̧ōņōņō.
Jemedwōj Ilan̄ ekōņaan bwe kwōn pukot m̧ōņōņō eo n̄an indeeo. Rikanaan ro an rekōņaan bwe kwōn pukot lan̄lōn̄ eo eļap jān jabdewōt jon̄ak. Kōm̧ kōņaan bwe kwōn pukot aenōm̧m̧an eo jej loe jān ļoor Rilo̧mo̧o̧r eo. Etetal ilo iaļ eo Ekar kwaļo̧ke (lale “Lord, I Would Follow Thee,” Hymns, no. 220). Kālet n̄an pokake. Am̧ m̧ōņōņō in pokake enaaj tōlļo̧k eok n̄an anemkwoj eo em̧ool im m̧ōņōņō.