Kōm̧m̧an bwe Jerbal in Karejar en Lem̧ōņōņō

Jerbal ilo iakwe ej bōktok lan̄lōn̄ n̄an jim̧ōr rileļo̧k eo im̧ ribōk leen eo.

Jet iien ad kapukōt m̧ōņōņō ilo mour in emaron̄ āinwōt ettōr ioon juon treadmill ko. Jej ettōr im bar ettōr im āinwōt jejjab pād jabdewōt jikin. N̄an jet, ļōmņak eo kōn jerbal in karejar n̄an ro jet ej āinwōt bar kobaiktok eļapļo̧k n̄an kōm̧m̧ane.

Bōtaab Jemedwōj Ilan̄ ekōņaan bwe jen en̄jake lan̄lōn̄ eo im ekar ba n̄an kōj “bwe armej ren kar, bwe ren maron̄ m̧ōņōņō” (2 Nipai 2:25). Im Rilo̧mo̧o̧r eo ekar katakin bwe jerbal in karejar n̄an ro jet ej m̧ōttan eo eaorōk n̄an wāween bōktok lan̄lōn̄ n̄an mour ko ad im mour ko an ro jet.

Ta In Lan̄lōn̄?

Lan̄lōn̄ em̧ōj kar kōm̧ļeļeik āinwōt “juon en̄jake eo eļap an jejjōt im lem̧ōņōņō.”¹ Em̧ōj an Rikanaan ro an raan kein āliktata kar kōmeļeļeik kōn ia eo lan̄lōn̄ ej itok jāne in wāween bōke. “Lan̄lōn̄ eo jej en̄jake edik ejjab ļap an ippān jekjek ko an mour ko ad im aolep men n̄an kōm̧m̧ane kōn kalimjōk mour ko ad,” Būreejtōn Russell M. Nelson ekar ba. “… Lan̄lōn̄ ej itok jān im kōn [Jisōs Kraist]. E ej unjen aolep m̧ōņōņō.”²

Jerbal in Karejar ej Bōktok Lan̄lōn̄

Ke Liai ekar bōk leen wōjke in mour eo, an ekar obrak “eļap otem ļap lan̄lōn̄” (1 Nipai 8:12). Ikdeleel eo an im̧aan tata ekar n̄an jake leen wōjke in ippān ro ej iakwe er.

M̧ōņōņō eo ad n̄an jerbal in karejar n̄an ro jet emaron̄ bōktok kain lan̄lōn̄ rōt in n̄an kōj im n̄an er. Rilo̧mo̧o̧r eo ekar katakin rikaļoor ro an bwe leen eo jej bōktok n̄e jej ekkeijel Ippān ej jipan̄ kōj bōktok tarlep in lan̄ļōn̄ eo (lale Jon 15:1-11). Kōm̧m̧ane jerbal eo An kōn jerbal im pukōt n̄an bōktok ro jet n̄an E emaron̄ juon en̄jake eo elan̄lōn̄ (lale Luk 15:7; Alma 19:9; Katak im Bujen ko 18:16; 50:22). Jemaron̄ en̄jake lan̄lōn̄ in jekdo̧o̧n n̄e jej jelm̧ae jum̧ae im en̄taan (lale 2 Korin 7:4; Kolosse 1:11).

Rilo̧mo̧o̧r eo eaar kwaļo̧k n̄an kōj waanjon̄ak eo eweppān bwe juon iaan un ko reļļap tata an lan̄lōn̄ em̧ool ilo mour in ej pād ilo jerbal in jipan̄. N̄e jej jerbal in karejar n̄an ro jeid im jatid āinwōt Rilo̧mo̧o̧r eo, kōn iakwe eo an Kraist im iakwe ilo būruōd, jemaron̄ en̄jake lan̄lōn̄ eo eļapļo̧k jān baj lem̧ōņōņō.

“Ilo an kaorok [jerbal in karejar eo] kōn bōro ko rem̧ōņōņō, jenaaj … epaakeļo̧k n̄an eromļo̧k armej in Zāion im jenaaj en̄jake lan̄lōn̄ eo ejej uwaan ippān ro me jaar jipan̄ er ilo iaļ eo an rikaļoor,” kar katakin jān Sister Jean B. Bingham, Bureejton eo Eutiej an Doulul eo an Kora ro.³

Ekōjkan Ad Maron̄ Kōm̧m̧an Bwe Jerbal in Karejar En Lem̧ōņōņō?

Elōn̄ wāween ko n̄an bōktok eļapļo̧k lan̄lōn̄ n̄an jerbal in karejar ko ad. Erkein jet ļōmņak ko.

Meļeļe kōn jibadbad eo am̧ ilo jerbal in karejar. Ebooļ un ko n̄an jerbal in karejar. Ilo jem̧ļo̧kin, kijejeto ko ad rej aikuj juon wōt ippān jibadbad eo an Anij “n̄an kakūrm̧ool jab wabanban im mour indeeo an armej” (Moses 1:39). Ilo ad bōk kūr eo an Būreejtōn Russell M. Nelson n̄an jipan̄ ro jet ilo iaļ in bujen eo, jemaron̄ lo lan̄lōn̄ ilo ad bōk kuņaad ilo jerbal eo an Anij.⁴ (Kōn elōn̄ļo̧k m̧eļeļe ko kōn jibadbad eo an jerbal in karejar, lale “Ministering Principles: The Purpose That Will Change Our Ministering,” in the January 2019 Liaona.
Kōm̧m̧an bwe jerbal in karejar en kōn armej ro im jab kōn eddo ko. Būreejtōn Thomas S. Monson ekar kakeememej kōj “Jab kōtļo̧k ņa mejļan juon jorrāān en aorōkļo̧k jān juon armej n̄an iakwe.”⁵ Jerbal in karejar ej kōn iakwe armej ro, ejjab kōn kōm̧m̧ani men ko. Ilo ad eddōkļo̧k n̄an iakwe ilo ejja wāween eo Rilo̧mo̧o̧r eo eaar, enaaj ļapļo̧k ad jedmatmate lan̄lōn̄ eo me ej itok jān jerbal n̄an ro jet.
Kōm̧m̧an bwe jerbal in karejar en ļam waan. Elder M. Russell Ballard Ripnej Jenkwan Būreejtōn eo an Doulul eo an Jon̄oulru Rijilōk ro, ej jiron̄ kōj, “Men ko reļļap rej ļami kōn men ko reļam waan im iddik. … Jerbal ko ad reddik im reļem waan kōn jouj im jerbal in jipan̄ renaaj ļapļo̧k jidik kōn jidik n̄an juon mour eobrak kōn iakwe n̄an Jemedwōj Ilan̄, wujlepļo̧k n̄an jerbal eo an Irooj Jisōs Kraist, im juon en̄jake an aenōm̧m̧an im lan̄lōn̄ kajjojo iien jej kappukōt doon.”⁶
Joļo̧k edodo eo jān jerbal in karejar eo. Ejjap am̧ eddo n̄an jerbale lo̧mo̧o̧r eo an bar juon. Menin ej ikōtaan armej eo wōt im Irooj. Eddo eo ad ej n̄an iakwe er im jipan̄ er jepļaakļo̧k n̄an Jisōs Kraist, eo ej aer Rilo̧mo̧o̧r.

Jab Karum̧wijļo̧k Lan̄lōn̄ eo ilo Jerbal in Jipan̄

Jej iien armej rej m̧akoko in kajjitok kōn jipan̄ eo rej aikuji, kōn menin lelok jipan̄ eo ad emaron̄ men eo de eo rej aikuji. Ak kipel kōj make ioon armej ro ejjab uwaak eo, barāinwōt. Kajjitōk mālim m̧okta jān jerbal in karejar ej juon ļōmņak em̧m̧an.

Elder Dieter F. Uchtdorf jān Doulul eo an Rijilōk ro Jon̄oulruo ekar jiron̄ kōj kōn juon jinen eo ejjeļo̧k pāleen eo im ekar nan̄inmej in bok—im ajri ro nejin rekar bar po. M̧weo ekijon̄ ejjeļo̧k ettoon ie ekar pok im ettonoon. Ekar būjin kōnno im nuknuk ettoon.

Ilo iien eo me liin ekar lukkuun eddodo, kōrā ro ilo Doulul eo an Kōrā ro raar kōļaļļaļ ilo kōjām eo an. Rekar jab ba, “Kab kōjjeļļaik kōm n̄e kwoj aikuj jipan̄.” Ke raar lo jekjek eo, raar kajju kōm̧m̧an jerbal.

“Raar karōk pok jaļjaļ eo, bōktok meram im meļak n̄an m̧weo, im kar kūrļo̧k juon m̧ōttaer n̄an bōktok jet m̧ōn̄ā ko eaar ļap aikuji. Ke raar ilo āliktata kadedeļo̧k jerbal eo aer im kar kwaļo̧k naan in iak-iakwe ko aer, raar ilo̧k jān m̧am̧a in edik kōn dān in kāmjaaļaļ—dān in kāmjaaļaļ in kam̧m̧oolol im iakwe.”⁷

Rileļo̧k eo im armej eo ej bōk rej jim̧ōr en̄jake māņāāņ in lan̄lōn̄.

Kōļapļo̧k Lan̄lōn̄ ilo Mour eo Am̧

An ļapļo̧k lan̄lōn̄, aenōm̧m̧an, im laudin̄din̄ jemaron̄ kōļapļo̧k ilo mour ko ad, an ļapļo̧k ad m̧ōņōņō in maron̄ kwaļo̧k ippān ro jet ilo ad jerbal in karejar. Lan̄lōn̄ ej itōk jān Jetōb Kwojarjar eo (lale Galetia 5:22 and Katak im Bujen ko 11:13). Ej juon men eo jemaron̄ jar kake (lale Katak im Bujen ko 136:29). Erkein rej jejjo ļōm̧ņak ko n̄an kōļapļo̧k lan̄lōn̄ eo ilo mour ko ad make:

Bwini kōjeraam̧m̧an ko am̧. Ilo am̧ etale mour eo am̧, je ilo jōnōļ eo am̧ men ko me em̧ōj an Anij kōjeraam̧m̧an eok kaki.⁸ Je men ko rem̧m̧an ipeļaakūm̧.⁹ Lukkuun lale ta ko remaron̄ bōbrae eok jān am̧ en̄jake lan̄lōn̄ eo im je wāween ko n̄an ņa mejļan ak kōkōm̧anm̧anļo̧k am̧ meļeļe kake. Ilo tōre in iien Ijtō in, bōk iien n̄an pukōt eļapļo̧k ekkejel eo ippān Rilo̧mo̧o̧r eo (lale Katak im Bujen ko 101:36).
Kaminene kalimjōk kiiō im kile en̄jake ko an ro jet. Emaron̄ pidodoļo̧k an lan̄lōn̄ tōpar eok ilo iien kōļmenļo̧kjeņ ko remeļak.¹⁰ Lukkuun rōn̄jake ta ko me rej bōktok lan̄lōn̄ eo n̄an kwe (lale 1 Korin 16:15). Kattoļo̧k eok jān mitia ko emaron̄ aorōk n̄an kaminene kalimjōk kiiō im kile en̄jake ko an ro jet.¹¹
Jab keidi eok make. Em̧ōj kar ba bwe keidi ej lan̄lōn̄ an riko̧o̧t eo. Paul eaar kakkōl bwe ro rej “ke rej jon̄e er ippān doon im keidi er n̄an doon, re jab mālōtlōt” (2 Korin 10:12).
Kappukōt revelesōn ko an juon make. Rilo̧mo̧o̧r eo kar katakin: “Eļan̄n̄e kom̧ naaj kajjitōk, kom̧ naaj bōk revelesōn ioon revelesōn, jeļāļo̧kjeņ ioon jeļāļo̧kjeņ, bwe kom̧in maron̄ jeļā mennin ittino ko im mennin aenōm̧m̧an ko—men ko rej bōktok m̧ōņōņō, men eo ej bōktok mour indeeo” (Katak im Bujen ko 42:61).

Juon Kūr n̄an Jerbal

Ewi wāween am̧ kōļapļo̧k lan̄lōn̄ eo kwoj loe ilo mour eo am̧ jan jerbal in karejar?