Rūm̧m̧an Ded ro
Anij Ej Ke Tōl Eō?
Aolepān mour ko ad robrak kōn jokālet ko reļļap: ta iaļ in jerbal n̄an bōke, wōn eo in m̧areiki, ia eo n̄an etal n̄an jikuuļ ie, im ko reierļo̧k wōt. Mour ko ad robrak kōn abņōņō ko an kajjojo raan: kālet men eo em̧m̧an tata n̄an kōjerbal iien, kajjieon̄ meļeļe katak ko, im kappukōt aenōm̧m̧an ilubwiljin māllijon̄ ko. Ilo aolep men, jej aikuj revelesōn an juon make. Bōtaab jet iien emaron̄ pen n̄an jeļā wāween bōke im wāween ad kile n̄e jej bōke. N̄e jejjab bōke ak kile uwaak ko, jemaron̄ ļōmnak, “Ekar ke Jetōb men eo ke ak baj aō make ļōmņak?” “Etke iaar en̄jake im̧we n̄an kōm̧m̧ane innām ikar likjab jene?” “Etke n̄aij en̄jake ke Anij ejjab uwaak jar ko aō?”
Jeraam̧m̧an, ilo “Kōm̧m̧ani Jokālet ko: Anemkwoj in kālet ņae Reveleson” (peij 44), Erin ej kwaļo̧k bwebwenato eo an kōn revelesōn eo an make ke eaar kōm̧m̧ane juon jokāālet eo ej ukōt mour eo an. Ilo an Anij kōņaan tōl kōj, Ej bar kōņaan jipan̄ kōj ekkatak n̄an pedped ioon anemwkoj in kālet eo ad n̄an kōm̧m̧ani kālet ko rem̧m̧an.
Ekkatak wāween an Jetōb Kwojarjar kōnono n̄an kwe make ej bar juon m̧ōttan eo eaorōk n̄an bōk im kile revelesōn. Emaron̄ oktak n̄an kōj kajojo. Ilo peij 48, elōn̄ rūm̧m̧an ded ro rej kwaļo̧k wāween aer bōk revelesōn.
Ilo juon bwebwenato an digital-wōt, Aspen ej kōm̧eļeļeik bwe revelesōn an juon make ej aikuji “Kemouru M̧ajōļ in Jetōb ko Am̧.”
Ļōmņak kōn ilju im jakļaj eo emaron tōrjān jon̄an, em̧ool kamijak. Eļaptata āinwōt juon rūm̧m̧an ded. Bōtaab n̄e ij keememej ekōjkan an Anij kar tōl mour eo aō, kar jem̧aan, eletok n̄an n̄a peran n̄an wonm̧aanļo̧k wōt im jerbal, lōke bwe Enaaj wōnm̧anļo̧k wōt n̄an letok n̄an eō tōl eo me iaikuji ilo iaļ eo.
Ilo kautiej,
Katie Embley