Iakwe jān Estonia!
Kōm̧ij Margo im Paolo. Ilo iiō in kom̧ro ej ito itak ipeļaakin laļ in n̄an ekkatak kōn ajri ro nejin Anij. Kobatok ippām ilo am loļo̧k Estonia!
Estonia ej pād itu iiōn̄ in Europe. Ewōr ie elōn̄ļo̧k jān 2,000 aelōn̄ jidik ko. Enan̄in 1.3 milien armej ro rej jokwe ilo Estonia.
En̄in ej wāween ba “iakwe” ilo kajin Estonia: Tere!Im en̄in ej wāween am̧ ba etan Kabun̄ in: Viimse Aja Pühade Jeesuse Kristuse Kirik
En̄in ej Tallinn, capital eo an Estonia. Elakar pād iumin emaron̄ 800 iiō ko! Estonia elōn̄ jikin ko ie remarmar, āinwōt wōjke ko im pāt ko. Ilo m̧ool, eļapļo̧k jān jimettan in Estonia eobrak kōn wōjke. Elōn̄ armej ro ilo Estonia em̧m̧an ippāer joļo̧k iien ilo mennin kōm̧anm̧an ko.
Ta eo kōjota ilo Estonia? Bōlen kanniōk in piik ak ek jojoj ilo jo̧o̧j ippān piteto, kābij, sour cream, im pilawe kilmeej. Menin ņaetan jāānwūj in sprat.
Em̧m̧an ke ippam̧ al ilo Būraemere? Aolep ļalem iiō, Riestonia rro ej koba ilo juon iien ļapļap n̄an kam̧m̧oolol kōn laļ en aer kōn al im eb.
Kabun̄ in ilo Estonia edik bōtaab ekajoor. Emaron̄ tarrin in juon taujin membōr ro an Kabun̄ in. Tampeļ eo epaak er tata ej ilo Helsinki, Finland.
Ioone ruo sister ro jān Estonia!
Juon bon̄ iaar kōņaan etal n̄an kinieō, teddy eo nejū eaar jako. Iaar kappukōte ak iaar jab maron̄ loe. Iaar jar. Innām iaar loe teddy bear eo nejū im ikar ettōņaki ettōņak ko rem̧m̧an.
Bianka J., 7 an iiō
Em̧m̧an jerbal n̄an ro jet ippān baam̧le eo am. Jerbal n̄anro jet ejipan̄ kōm en̄jake Jetōb Kwojarjar eo, eo ej letok n̄an kōm juon en̄jake okmāāņāņ an aenōmmn. Limaro jeiū im jatū im n̄a kōmijkōm̧m̧ani mennin leļo̧k ko n̄an ro jet kōnke kōmij kōņaan bwe ren en̄jake iakwe.
Piibe J., 10 an iiō
Kom̧m̧ool kōn am̧ etale Estonia ippām! Bar lo eok iien in tok!