2019
Anjo̧ jān Ebbweer
Juļae 2019

Digital Wōt: Rūm̧m̧an Ded ro

Anjo̧ jān Ebbweer

Jān Self-Reliance Services eo

Aolep rej ebbweer, bōtaab inepata ko aitok kitien kōn likjab ejjab wōt kabōjrak eddōkļo̧k eo am̧ ak barāinwōt renana n̄an ājmour in kōļmenļo̧kjeņ eo am̧.

Likjab in Meļeļe #1: Jaar lo̧taktok bwe jen m̧ōņōņō.

Likjab in Meļeļe #2: Jejamin naaj bōk ta eo jej aikuji n̄an m̧ōņōņō, kōn menin em̧ool etke kajjion̄?

Tōprak eo an likjab in meļeļe kein jim̧or ej kabbweerer—en̄jake jab in jej bōke n̄e jejjab tōpar kōtmene ko jaar kōm̧m̧ani n̄an kōj make, ak n̄e jejjab em̧ool bōk jabdewōt kōtmene ko im baj bōk wōt jekjek eo ad kiiō. Likjab ekkā an itok m̧okta jen ebbweer, men̄e jej en̄jake āinwōt jaar lo̧taktok juon rilikjab, bwe jejjab maron̄ tōpar ta eo jaar kōtmene n̄an kōm̧m̧ane, ak bwe jaar kōm̧m̧an ijo em̧m̧antata im ekab de jan̄in tōprak ilo wāween eo jaar kōņaan.

Bōtaab ebbweer ej m̧ōttan mour in, im emaron̄ in lukkuun in tōpare eļan̄n̄e jej ekkatak kilen jerbale. Kōn menin errein 10 jipan̄ ko kōn kilen am̧ ukōt am̧ ebbweer n̄an eddōkļo̧k.

  1. Kile likjab eo im bōk eddo in ijo kuņaam̧. Aaet ewōr iien ko n̄e men ko rejjab kōm̧m̧an ilo wāween eo jej kōņaan bwe ren im ejjeļo̧k men emaron̄ kar oktak ad kōm̧m̧ane n̄an ukōte. Kappukōt n̄an ekkatak jān likjab ko am̧.

  2. Jar kake. Jar, ejjab menin aikuj n̄an aolep men bwe en em̧m̧an bwe kwon bar m̧ōņōņō, ak n̄an meļeļe, n̄an pukot katak eo, im n̄an pukot juon m̧wiļ em̧m̧an bwe kwon wōnmaanļo̧k wōt.

  3. Ņa mejļan jorrāān ko. Inepata ej bōk jelet eo eoktak jān ta eo jaar kōņaan. Kajjieon̄ ukōt am̧ ļōmņak jān m̧ōttan eo eim̧we an kōmālij eo am̧ n̄an m̧ōttan eo maron̄ arto-artake—bwe kwon maron̄ aiin kein jipan̄ ko am̧ n̄an jipan̄ eok.

  4. Bar jar. N̄e ewōr juon am̧ karōk em̧m̧an ilo jikin n̄an anjo̧ jān ebbweer, jar kōn kapen eo bwe karōk eo am̧ ej em̧m̧an. Irooj enaaj jipan̄ eok eļļāļo̧k jān likjab eo me ekar kōm̧m̧an bwe ebbweer eo en pād m̧okta.

  5. Etal n̄an jerbal. Eļan̄n̄e ekar jako am̧ jerbal, jerbale ejja oraņ awa ko wōt aolep raan n̄an juon jerbal kāāl ilo am̧ naaj kar jerbal ilo jerbal eo am̧ m̧okta. Eļan̄n̄e jorrāān eo ej juon kadkad, kajjion̄ kōm̧m̧ane jorrāān eo. Jekdo̧o̧n ta eo kwoj anjo̧ jene—eļaptata eļan̄n̄e jerawiwi eo ej kōm̧m̧an bwe kwon ebbweer—jerbale n̄an ukōte im kōttōbrak kōttōbar ko reddik.

  6. Juon ilo̧k juon ilo juon iien. Men̄e kōttōbar ko rej m̧ōttan karōk eo am̧ aikuj in dik im aikuj kōm̧akūt eok ilo iaļ eo ejim̧we.

  7. Kōjerbal ro m̧ōttam̧ rej rejtake eok. Ro m̧ōttam̧ im baam̧le eo rej juon kein jipan̄ em̧m̧an. Kōm̧m̧an bwe ren jeļā kōn jekjek eo am̧ ilo aer jab kōraat. Ro m̧ōttad rem̧ool renaaj ron̄jake im rejtake. Jet iien juon eo ej ron̄jake eok emaron̄ in kōm̧m̧ane aolep oktak ko.

  8. Kajjitōk kōn juon kōjeraam̧m̧an an priesthood. Ejjeļo̧k jon̄an kōjeraam̧m̧an ko an priesthood kwoj maron̄ bōke. Eļan̄n̄e kwoj aikuji juon, kajjitōk kōn juon.

  9. Niknik kōn kijenmej. Jet iien ebōk iien n̄an an iien ko reppen jem̧ļo̧k.

  10. Bwini kōjeraam̧m̧an ko am̧. Kōm̧m̧ane juon laajrak in aolep men ko kwoj kam̧m̧oolol kaki. Kobaikļo̧k n̄ane kajjojo raan im jeļā bwe ilo jem̧ļo̧kin, m̧ōņōņō ej kōttar kōjwōj aolep.

Aaet, mour in epen. Epen n̄an kōjwōj aolep. Ijoke, ad tōmak ej eddōkļo̧k ilo ad uwaaki mālijjon̄ ko ad ilo juon wāween em̧m̧an. Eļapļo̧k ad en̄jake iakwe eo an Anij n̄an kōj kōnke jej eddōkļo̧k, kōm̧m̧ane ijo em̧m̧antata jemaron̄e, im kajjitōk kōn jipan̄ eo An.