N̄e Jirok Likatōtōtō Ej Erom Kōmmetak

Jeff Borders

Washington, USA

Juon raan ekanooj bwil ilo Juļae, iaar jipan̄ ļeo man̄da kalōk juon wo̧o̧ļ ej dāpij bwidej. Būroojāāk in ilo āliktata eaar kōm̧m̧an bwe in kakkōt ņae okar ko an wōjke cherry me eaar pād ijo.

“Pidodo,” iaar ļōmņak.

Iaar aiin kein jerbal ko rekkar im kibwij itōrerein okar ko n̄an kōm̧m̧an ruum̧ n̄an jerbal. Innām iaar bōk jidpen eo im, kōn ejjeļo̧k bar ļōmņak, iaar etal im mwōjit okar ko. Okar ko reddik ekar pidodo m̧wōjiti, bōtaab ke iaar ilo̧k n̄an okar ko rekilepļo̧k, eaar m̧ōkaj aō kile bwe rejjamin naaj pidodo. Juon okar ekar lukkun pen m̧wijiti.

Kōlaļlaļ n̄iūū, iaar jōk ilo ļōmņak n̄an m̧wijiti okar jab in. Menokadu eaar to̧o̧r laļļo̧k jān kōnwaō jān an al eo ilōn̄ū bwil ke iaar kapenļo̧k aō keeņ jidpān eo. Jidpān eo eaar wūdiddid m̧ae aolepān anbwinū eaar wūdiddid. Iaar maron̄ en̄jake tuanbwijmaron̄ in peiū—eo ej keeņ kein kōjjo̧ eo an jidpen eo—jino bwil kōn metak. Iaar kowaan metak eo im kar dāpij wōt.

Āliktata, jidpen eo eaar mwōjit okar eo. Iaar kōtļo̧k kein kōjjo̧ eo im kar en̄jake m̧ōņōņō in anjo̧ eo em̧m̧an. Ke iaar utūkļo̧k tebūbro̧ ko aō, mekarta, iaar kile juon m̧ōttan edik in kūl eaar jarļo̧k jān peiū.

Ke iaar ļōmņak kōn en̄jake in, iaar kile bwe jirok likatōttōt n̄an jidpān eo, ilo juon wāween, āinwōt jiron̄ likatōttōt n̄an aen in dāpdep eo. Kar jiron̄ kōj n̄an jiron̄ likatōttōt n̄an aen in dāpdep eo ilo ad wōnm̧aanļo̧k ilo mour. Bōtaab kōnke jej jiron̄ likatōttōt n̄an ejjab meļeļe in jeban en̄jake iien ko reppen. Eaar jorrāān peiū ilo aō kar dāpij jidpān eo. Ilo juon wāween āinwōt, jenaaj anjo̧ ioon mālijjon̄ ko im ikurbalōklōk ko ilo ad wōnm̧aanļo̧k wōt in jirok likatōttōt n̄an aen in dāpdep eo.

Jemedwōj Ilan̄ eaar jeļā bwe iaļ in ro̧o̧l eo n̄an Ippān enaaj kar obrak kōn kauwōtata. Enin unin Eaar letok n̄an kōj jeje ko rekwojarjar im naan ko an rikanaan ro n̄an jipan̄ kōj. Ilo ad jirok ilo men kein ilo mālijjon̄ ko ad im ikurbalōklōk ko ilo mour wabanban in, jenaaj juon raan bar ro̧o̧l n̄an im̧aan Mejān.

N̄e jej bar ro̧o̧l n̄an Ippāņ, jenaaj maron̄ lale peid, eo eaar jirok likatōttōt n̄an aen in dāpdep eo, jet iien jekdo̧o̧n kōn metak ak an pen. Im jenaaj jeļā bwe kōn jipan̄ eo an Jemed Ilan̄ im kōn kajoor in pinmuur eo an Jisōs Kraist, jaar lukkuun in jirok likatōttōt, jekdo̧o̧n ta kapan̄pan̄ ko jej iooni.