Raan in Jerbal eo Aō Em̧m̧an Tata!
Jān Elder Joni L. Koch
Jān Jiljilimjuonn̄oul eo
N̄e kwoj ekkatak n̄an iakwe im kaorōk jerba, kwoj barāinwōt lo juon unjen lan̄lōn̄ eļap.
Pija ko jān Getty Images
Elōn̄ iiō ko remootļo̧k, iaar lo eō make ilo juon auditorium ilo Churchhill College eo an University of Cambridge ilo England n̄an kweilo̧k eo iiō otemjej n̄an kom̧bani eo iaar jerbal n̄ane. Ilo iien jab eo, eaar wōr aō iien em̧m̧an n̄an bōk company’s global president and CEO menin nōbar eo ilo etan kumi eo m̧ōtta kōn jerbal eo em̧m̧an tata kōm kar kōm̧m̧ane ilo iiō jab eo.
Ke ritōl ro an kom̧bani eo jān aolepān laļ in, bōk jikin 80,000 rijerbal ro, kabokbok im nōbar kumi eo am kōn tōprak eo am, iaar ļōmņak, “Menin aikuj in raan in jerbal eo aō em̧m̧an tata!” Mejatoto eo an iien eo eaar kaitoktok limo.
Kōjjebar Pilawā
Innām aō ļōmņak eaar bōk likļo̧k eō n̄an raan eo kein kajuon in aō jerbal enan̄in 40 iiō ko m̧oktaļo̧k. Jema eaar wōr juon an m̧ōn iiōk pilawe me eaar letok letak n̄an elōn̄ im̧ōn wia jiddik ko ilo jikin kweilo̧k eo am ilo iturōk in Brazil. Ke iaar juon ajri, ikar akweļap bwe jema en bōk eō n̄an jerbal ippān. Āliktata juon raan eaar ba aaet!
Jinō eaar kiij juon eprōn mouj jidikdik im juon at an riiōk n̄an n̄a, im jema im n̄an kar ilo̧k n̄an im̧ōn iiō pilawe eo. Ippān doon, kōm kar iiōk im kōpooj pilawā, kōm̧m̧ane kōn pā ļōmān pilawā n̄an ļoob ko, im likūt ļoob ko ilowaan um̧ pirōk eo. Ke eaar dedeļo̧k an mat pilawā eo, kōm kōn kōjerbal juon jōbwe aļaļ n̄an kōkōm̧anm̧ōn katuwetok pilawā eo. Kōm kar kōttar jet mini, innām kōm kar kōjjebare pilawā ļoob eo eaar meņeņ wōt. Nemān eaar enno̧!
Ālkin keememej menin, iaar kāālet bwe bōk juon nōbar ilo Cambridge eaar raan in jerbal kein karuo aō em̧m̧an tata. Raan eo em̧m̧an tata im em̧ōņōņō tata ilo jerbal eaar ilo juon jikin eo eļapļo̧k an ettā: m̧ōn pilawā eo edik kōn ejjeļo̧k jarlepju ak kabokbok ilo aer jutak. Ekar n̄a im jema wōt. Raan jab eo, eaar katakin eō n̄an iakwe im kaorōk jerbal im ekar jipan̄ eō en̄jake lan̄lōn̄ eo an kōm̧m̧ane juon men jān iiōk eo kōn kijejeto ko aō make. Iaar ekaktak bwe buuļ jerbal ej kam̧ōņōņō n̄an jim̧or ānbwin eo im jetōb eo.
Jerbal Ej juon Kōjeraam̧m̧an
Ke Irooj eaar jiron̄ Adam im Iv, “Kōn menokadu in mejam̧ kwōnaaj m̧ōn̄ā ekkan” (Jenesis 3:19), Āinwōt Eaar kaje er. Ilo m̧ool, Eaar leļo̧k n̄an er iien em̧m̧an n̄an en̄jake lan̄lōn̄ eo im kakūrm̧ool en̄jake eo kōn erom un̄are pein make, kōn kake n̄an kōņaan im aikuj ko aer.
Elōn̄ iaad jej ļōmņak jerbal ej wāween eo wōt n̄an kake ilo juon iien ekadu kitien n̄an kōj make im baam̧le ko ad ak bōlen āinwōt juon wāween n̄an bōk juon bun̄bun̄ kōn bōk juon taitōļ in jerbal eutiej. Bōtaab eļapļo̧k an aorōk, Anij ekōņaan bwe jen jerbal bwe jen maron̄ bōk juon kōļmenļo̧kjeņ ekajoor an kakūrm̧ool ilo ad kadedeļo̧k jerbal ko, ejake juon men ekāāl, jino im kōkōm̧anm̧anļo̧k ta eo em̧ōj de an waļo̧k, im kobaikļo̧k aorōk eo n̄an laļ in jej mour ie.
Ekōnono ilo mour in jetōb, gospel eo ej ioļapļap in mour ej iien otemjej koba jerbal. Elder D. Todd Christofferson jān Doulul eo an Jon̄oulruo Rijilōk ro eaar ba, “Juon mour eo ej obrak kōn jerbal, jet iien ej ālijinmen, jet iien ejelimo, jet iien jab kam̧m̧oolol kake bōtaat iien otemjej ej jerbal eo me ej kōkōm̧anm̧anļo̧k, kōm̧m̧an im dāpij ellaajrak eo, rejtak, kōketak, jerbal in karejar, pukōt men ko reutiejļo̧k.”1
Ke kwar juon ajri, kwar bōlen kajjitōk, “Ta eo kwonaaj kar erom n̄e kwoj rūttoļo̧k?” Ilo iiō in jodikdik ko am̧, kajjitōk jab eo enaaj lukkuun bōlen oktak n̄an, “Ta eo kwonaaj ekkatak ilo kaļōj?”
Ikdeelel, Uteej, im Jibadbad
Jekdo̧o̧n ta jerbal eo am̧ kwoj kāālete, Jekdo̧o̧n ta kain jerbal eo kwonaaj kāālet ak jaab, kappukōt n̄an kōm̧m̧an jerbal eo am̧ kōn ikdeelel, uteej, im jibadbad. Kwoj aikuj buuļ jerbal im iien otemjej kajjion̄ kōtōprak tōprak ko rem̧m̧an tata. Ilo an wōr ļōmņak in n̄an jerbal enaaj jipan̄ eok erom ilo kanniōk, en̄jake, im jetōb keke mo̧o̧j. Iien eo em̧m̧an n̄an jerbal ej juon kōjeraam̧m̧an jān Irooj. Ilo am̧ ekkatak n̄an kam̧m̧oolol im iakwe jerbal, kwonaaj lo lem̧ōņōņō eo im jibadbad eo me ej itok jān un̄n̄are peid make.
Ij maron̄ wōt ron̄ kabbokbok im naan in rejan̄ ko rej itok jān jarlepju eo ilo Univeristy of Cambridge eo, bōtaab eo eļapļo̧k an aorōk n̄an n̄a ej ememļo̧kjeņ eo an raan eo aō ilo m̧ōn iiōk pilawā eo ippān jema im nemān pilawā ļoob ko ke raar atotok jān um̧ eo.