Pija ko kōn Tōmak
Iona Wikaira
Kaikohe, New Zealand
Iona ej iakwe ikkure in waka ama—juon naan in New Zealand n̄an kōrkōr. Iona ej iakwe pād ilo lojet, ettoļo̧k jān inepata ko ilo jikin jerbal.
Men̄e liin ej jelm̧ae apan̄ ko āinwōt corrections opija, Iona ej lo kajoor im aenōm̧m̧an wōt kōn tōmak ilo Jisōs Kraist.
Christina Smith, ripija
Ikar jerbal āinwōt juon corrections opija ium̧win jiljilimjuon iiō ko. Iaar jerbal ilo jikin kalbuuj eo an kōrā ro ium̧win juon iiō; innām iaar em̧m̧akūtļo̧k n̄an juon kalbuuj an aolep em̧m̧aan ijo iaar jerbal ium̧win iiō ko jiljino rej m̧ootļo̧k.
Juon iaan bwebwenato ko rōkm̧weiūr jān iien ko aō āinwōt juon corrctions opija ej ke iaar lo juon jinen eo eaar bar koba ippān ajri ro nejin. Ejjan̄in kar lo ajri ro nejin ium̧win emen ak ļalem iiō. Komaron̄ kar lo ilo mejān ajri ro kōmejaļaļ im metak jān iiō ko in aer kar jepel. Koba ippān doon eo eaar tōrjān jon̄an, bōtaab āinwōt juon corrections opija, kwojjab kwaļo̧k en̄jake. Iaar lo bwe elukkuun in pen. Ilo m̧ool iaar aikuj in reilo̧k jokokoļo̧k n̄an ņamejļan en̄jake ko aō. Āinwōt juon jinen n̄a make, iaar jab maron̄ ļōmņak kōn ettoļo̧k jān ajri ro nejū ium̧win iiō im jab maron̄ lo er, kōnono n̄an er, ak em̧ool kwaļo̧k ekōjkan aō en̄jake kōn er.
Āinwōt juon correcitons opija, kwoj aikuj in kajoor. Kwoj aikuj in maron̄ kōjparok eok make im bōk eddo. Jet men ko remaron̄ erom etal in wōt juon, kōn menin kwoj aikuj in dim n̄e kwoj ekōnono ippān ro jet. Eļap tata n̄e kwoj kōnono n̄an rikalbuuj ro im ņamejļan apan̄ eo im jet iien jekjek renana (violent). Menin emaron̄ kōm̧m̧an bwe jet armej ren ļōmņak bwe idipen, pen in armej, bōtaab ijjab āindein aolep iien.
Ilo jerbal ij en̄jak āinwōt laļ in ej jepooļ eō, ak n̄e ij ilo̧k jān jerbal im ij pād ilo m̧weo ak m̧ōn jar eo, eoktak aō en̄jake kōnke kōn jerbal eo ij en̄jake. Juon iaan lan̄lōn̄ ko an mour kōn gospel eo ej bwe kwojjab aikuj in an laļ in. Kwoj pād ilo laļ in, bōtaab kwojjab aikuj in pād ippān ro jet an laļ in.
Ij iien otemjej iakwe n̄e ej itok n̄an Jabōt ko kōnke ij maron̄ in pād ilo m̧ōn jar eo im bōk m̧ōn̄ā ilo jetōb im keememej ad Irooj im Rilo̧mo̧o̧r, JIsōs Kraist. Ij iakwe bwe ij maron̄ bōk men eo kōn n̄a make. Ij m̧ōņōņō jerbal ilo Kabun̄ in im aolep men ko me gospel eo rej jipan̄ eō.
Ilo kar juon iien, iaar an laļ in, im iaar ekkatak elōn̄ katak ko reppen. Ij lukkuun in kam̧m̧oolol kiiō n̄an lukkuun niknik im kanooj wujlepļo̧k n̄an gospel eo an Jisōs Kraist. Emakijkij aō kōņaan bwe aolep armej ro ilo jikin jerbal ren maron̄ en̄jake lan̄lōn̄ eo ij en̄jake āinwōt juon uwaan Kabun̄ in.
Em̧ōj aō lo bwe n̄e armej ro ilo jikin jerbal eo am̧ rejeļā bwe kwoj juon uwaan Kabun̄ in, enaaj wōr aer kautiej n̄an kwe im Kabun̄ in n̄e rej lo bwe kwojjab ukōt jon̄ak ko am̧ kōnke ke kōn jekjek eo kwoj pād ie. En̄in ej etke eaorōk n̄an n̄a n̄an kajjiōn erom juon waanjon̄ak em̧m̧an kōn Armej ro Rekwōjarjar Ilo Raan-ko Āliktata.
Ilo kajjojo jekjek, ij lōmņak, “Ekōjkan an Rilo̧mo̧o̧r eo naaj kar kōņaan bwe in m̧akūtkūt?” ak “Ekōjkan An naaj kar kōņaan bwe in ņamejļan menin?” Ilo aolep en̄jake ko aō, iaar kajjion̄ kanooj lale bwe m̧akūtkūt ko aō rej kwaļo̧k ta eo Rilo̧mo̧o̧r eo enaaj kar kōm̧m̧ane. Menin ejipan̄ eō kōļapļo̧k aō meļeļe im ineem̧m̧anļo̧k jekdo̧o̧n ilo aolep mejatoto ko rekaipokpok an juon jikin jerbal epen.
Ij kam̧m̧oolol kōn aō Rilo̧mo̧o̧r im Jemedwōj Ilan̄ kōn apan̄ ko im mālijjon̄ ko me iaar maron̄ anjo̧ ioer kōn wōr tōmak im tōmak ilo Er. Aolep iien iaar dibuk mālijjon̄ ko im iaar jar, ikar iien otemjej en̄jake aenōm̧m̧an ilo būruwō. Ijeļā bwe ijjab maron̄ mour n̄e Rejako. Iien otemjej kile Peier ilo aolep men ij kōm̧m̧ani.