O le Pau ma le Toefaafouina o Tagata—ma le Lalolagi

Tatou te oo uma lava i le fanau mai, olaga, maliu, ma le toetutu—ma faapena foi le lalolagi, i se tulaga. Na fanau mai le lalolagi (e ala i le Foafoaga), na papatisoina i le vai (e ala i le Lolo), o le a papatisoina i le afi (“pe a afio mai le Alii, … ma o le a liusuavai ai elemene i le vevela tele” [Mamona 9:2]), ma o le a faafouina e pei o le toetutu.¹

O Le Foafoaga

1. O le Lalolagi ma Atamu ma Eva i se Tulaga Faaparataiso:

“O le foafoaina muamua faataitai o mea uma … sa faaparataiso i le natura.”² I le taimi lava na maeʻa ai le Foafoaga, e leai se mea faitino pe noatia i le oti.³

O Le Pau

2. O le Lalolagi ma Tagata i le Tulaga Pau:

“O le lalolagi lava ia na paʻu i lalo o le malaia i le pau o [Atamu ma Eva], ma … e pei ona togiolaina le tagata, o le a faapea foi ona toe faafouina le lalolagi.”⁴

O Le Afio Mai Faalua

3. O le Lalolagi ma Tagata i se Tulaga Faapaiaina:

“I le Afio Faalua Mai o Iesu Keriso, o le a faafoi le lalolagi … i lona tulaga faaparataiso ma toe faafouina.”⁵

O le mea lea, o le a faapaiaina [le lalolagi]; ioe, e ui o le a mate, o le a toe faaolaina,” ma o le a fai ma tofi o e amiotonu le malo o selesitila (le lalolagi faapaiaina) (tagai Mataupu Faavae ma Feagaiga 88:17–26).