Tuusao i le Mataupu
E faapei ia tino toetutu?
O Le Aai e Faavavau, saunia e D. Keith Larson
E tusa ai ma tusitusiga paia ma perofeta o aso nei, o tino toetutu e:
Faaletino. O se tino toetu e i ai aano ma ivi.(tagai Luka 24:36–39).
Tino ola pea. “O lenei tino faaletino e faatu mai i se tino ola pea, … e le mafai ona toe oti i latou” (Alema 11:45).
Atoatoa. “O le a toe faatasia le agaga ma le tino i ona foliga atoatoa” (Alema 11:43). “O le a aveesea tulaga faaletonu ma le atoatoa; o le a leai ni faaletonu, ma o le a maua e alii ma tamaitai le atoatoa o o latou agaga, o le atoatoaga na fuafuaina e le Atua i le amataga” (Iosefa F. Samita, Gospel Doctrine, Aoaoga a Perofeta, 5th ed. [1939], 23).
Matagofie. “E leai se mea e sili atu le matagofie e vaavaai i ai nai lo o se alii po o se tamaitai toetu” (The Teachings of Lorenzo Snow, ed. Clyde J. Williams [1996], 99).
Tala atu o le Mana o Satani. “Afai e le toetu mai letino, o le a pulea o tatou agaga e … le tiapolo, … ma mau faatasi ma le tamā opepelo, i le pagatia, e pei o ia lava” (2 Nifae 9:8–9). Ae ona o Iesu Keriso na aumaia le toetutu o o tatou tino, o le a le tupu lenei mea.*
Mafai ona maua se atoatoaga o le olioli. A aunoa ma le toetu, e le mafai ona maua le olioli o le mamalu selesitila. “O le agaga ma le elemene, ua soofaatasi e lē matuuʼeseeseina, e mauaina se atoatoaga o le olioli” (Mataupu Faavae ma Feagaiga 93:33).