O Lou Tino O se Malumalu

Na aoao ai e le Aposetolo o Paulo o o tatou tino o malumalu ia o le Atua (tagai 1 Korinito 6:19). O se taaloga lenei e mafai ona e taʻalo e aʻoaʻo atili ai.

1. Oti ese ia kata i le isi itulau ma fofola atu i latou i mea e mafai ona vaʻai i ai tagata ma au atu i ai.

2. Ia auauai e faatavale se ma’a taisi [dice]. Pe a uma ona faataʻavale se tasi, sue lena numera i le “Upumoni e uiga i Malumalu” ma faitau leotele.

3. Saili le kata o loʻo aʻoaʻo mai se faʻamatalaga talitutusa e uiga i tino. (Fesoasoani: Vaavaai mo faailoga e tutusa.) A e mauaina le soa (le kata e tutusa), aapa atu ma po le kata! Ona faitau lea o le kata leotele ma fai le gaoioiga.

4. Faaauau ona faatavale ma po seiloga ua tofu uma tagata ma le avanoa, pe seiloga e uma ona faitau uma kata.

O Upumoni e uiga i Malumalu

1. O malumalu taitasi o le maota o le Alii.

2. E eseese foliga o malumalu i fafo. O isi e i ai togalaau ma vaipuna. E eseese o latou siepi ma lanu. O malumalu uma e matagofie.

3. O aso uma lava, e galulue ai tagata e tausia fafo o le malumalu ma tausia lelei.

4. E faamama foi e tagata totonu o malumalu o tagata faigaluega ma volenitia e faamautinoa o iila ma lelei mea uma.

5. O malumalu e faaaoga e fai ai le galuega a le Tama Faalelagi.

6. O malumalu o nofoaga faapitoa, ma paia e tatau ona tausia ma le faʻaaloalo.

O tino taitasi o se malumalu lea e nofo ai le agaga o lena tagata. E mafai e le Agaga Paia ona alala ai foi ma i tatou. Fai atu i se tasi e faamatala mai se taimi na latou lagonaina ai le Agaga Paia.

O tino e omai i lanu eseese, foliga ma ituaiga tele eseese. Ae po o le a lava, e aulelei tino taitasi. Tau mai se mea e mafai e lou tino ona faia.

O aso uma e mafai ai ona tatou galulue e tausia o tatou tino ia maloloina e ala i le fufuluina, ‘ai meaai lelei, ma le faʻamalositino. Taʻu se mea e tasi e lelei e ‘ai ma inu ai ma se mea e tasi e le tatau ona e ‘ai pe inuina.

E mafai ona tatou tausia o tatou mafaufauga ia mama e ala i le faitau, matamata, ma le faalogo i na o mea e valaaulia ai le Agaga. Usu se fuaiupu mai se pese Peraimeri e te fiafia i ai.

E mafai ona tatou faʻaogaina o tatou tino e fesoasoani ai i tagata ma faia mea atonu e faia e Iesu. Tuʻu atu i se tasi se faʻafetai ma faapa atu lou lima!

E tatau ona faia lou tino i le alofa ma le faaaloalo. Afai e faatiga e se isi oe pe paʻi i lou tino i soo se auala e te lagona ai le le fiafia, taʻu vave atu i se tagata matua talitonuina! Fai se isi afega.