O Le Upu o le Poto: O Le A, O Mea e Le Lavea Ai

Saunia e le aufaigaluega a le Liahona

O le uiga o le Upu o le Poto

O se tulafono o le soifua maloloina mai le Alii mo lo tatou puipuiga faaletino ma faaleagaga.

Aloese:	Fiafia:
Meainu malolosi	Fualaau aina
Tapaa	Fualaau faisua
Lauti ma le kofe	Aano o manu (ia le tele tele)
Soo se mea e afaina ai poo le fai ma vaisu	Fatu o sana

Tagai Mataupu Faavae ma Feagaiga 89. Tagai foi i le autu o le talalelei o le Upu o le Poto i le topics.ChurchofJesusChrist.org.

O Mea e le lavea i le Upu o le Poto

Ua aoao mai e Peresitene Boyd K. Packer (1924–2015), le Peresitene o le Korama a Aposetolo e Toasefululua, le mea e le o le upu o le poto:

Se faamaoniga o taimi uma o le a e malosi ma maloloina.

“Ua le folafola mai e le Upu o le Poto ia te oe, se soifua maloloina atoatoa, ae ua ia aoao mai le ala e tausia ai le tino na fanau mai ma oe, i se tulaga sili, ma lou mafaufau ia mataala i musumusuga faaleagaga malu.”
Se lisi ua atoatoa.

“E tele ni masani matautia ma mea ua fai ma vaisu, e mafai e se tasi ona inu pe lamu pe manava i totonu pe tui foi i le tino, e manua ai le tino ma le agaga, o mea ia e le o taua mai i le faaaliga.”
O se ‘alofaga e popole ai.

“Aoao e faaaoga fuafua tatau ma faautauta i mea e faatatau i le soifua maloloina ma taumafa tatau, ae maise lava i vailaau ma fualaau faafomai. Aloese mai le soonafai poʻo le faʻamalosi poʻo le avea ma se tagata faʻatau”¹ (o se tagata faʻatau o se tasi e mulimuli i ta’a’iga).

Faamanuiaga folafolaina

O le ola i le Upu o le Poto o se faamanuiaga sili! O nisi nei o auala ua taua e le Mo le Malosi o le Autalavou e mafai ona faamanuiaina oe:

Saolotoga mai vaisu leaga
Puleaina atili o lou olaga
O se tino e sili atu le soifua maloloina
O se mafaufau e sili atu le mataala
Taitaiga mai le Agaga Paia
Malosiaga sili atu e auauna atu ai i le Alii

“ Aua lava nei faatagaina Satani po o isi e faaseseina oe e manatu faapea o le solia o le Upu o le Poto o le a atili ai ona e fiafia, sili atu ona lauiloa ai, pe aulelei atili ai”²