“O le a laʻu mea e fai pe afai ou te le fiafia i loʻu tino?”
Atapue mai le Getty Images
Talia Lou Tino
Talia lou tino pe o le a lava le tulaga, ae le o mea e le o i ai. O taimi uma lava ou te tilotilo ai ia te au lava i le faaata, ou te faapea atu, “Le Tama Faalelagi, ou te faafetai i le alualu i luma o loo E faia ia te au.”
Temperance B., 18 tausaga, Victoria, Ausetalia
Mafaufau I ai o se Malumalu
Mafaufau i lou tino o se malumalu (tagai i le 1 Korinito 3) ma e silasila foi le Alii i le loto (tagai i le 1 Samuelu 16), ae le o le tino!
Vico W., 17 tausaga, North Rhine-Westphalia, Siamani
Ia Tausia Lelei
Ou te tausia loʻu tino e ala i le faamalositino ma le ‘ai lelei. O le tausia lelei o loʻu tino ua atili ai ona ou faafetai mo lea mea. Pe a ou tausia le malumalu ua faamanuiaina ai au e le Tama Faalelagi, e suia oʻu lagona ma ou sili atu ona ou iloaina ma talisapaia le faamanuiaga matagofie o le i ai o se tino na foafoaina e le Atua.
Camilla A., 16 tausaga, FLorida, ISA
Ia Faaaloalo ia te Oe Lava
Na tauivi laʻu uo ona sa popole o ia e uiga i manatu o isi e uiga ia te ia, ma na leai ai sona faaaloalo ia te ia lava. O le mea aupito sili ona fesoasoani ia te ia o le manatuaina o le Atua, o ana uo, ma lona aiga sa i ai iina e alolofa ma lagolagoina o ia.
Matthew V., 16 tausaga, Misuri, ISA
E Alofaina Oe
Pe a ou faalogo i au uo o fai mai latou te le fiafia i se mea e uiga i a latou tino pe latou te inoino i ai, ou te fia fesoasoani ia latou ia iloa e alofa le Tama Faalelagi ia i i latou. Ou te fiafia e mafaufau e alofa o Ia ia te au ma e finagalo o Ia ia ou fiafia, e tusa lava po o a oʻu fesili faaletino. E tatau ona tatou tausia ma alofa i o tatou tino aua o lo matou malumalu lea.
Ignacio P., 14 tausaga, Chaco, Atenitina
E Le Faamatalaina Ai Oe
Manatua o lou tino e le faʻamatalaina oe. O lou tino ae le o oe o se tagata, i le avea ai o se atalii agaga o le Atua.
Sailor O…, 18 tausaga, nofoaga
Faia Mea e te Fiafia ai
Ou te fiafia i le i ai i fafo ma fai gaoioiga, e pei o le tietie i laʻu uila po o le faasavali laʻu taifau, e fesoasoani i taimi uma ia ou lagona le lelei e uiga i loʻu tino. E sili atu le lelei pe a ou faia nei mea ma aʻu uo ona e faamanatu mai ia te au o loo siomia aʻu e tagata e popole mo aʻu ma e le popole poo a oʻu foliga.
Itzcel O., 18 tausaga, Arisona, ISA