Nanao fanovana teo amin’ny fitsipika mifehy ny vavolombelona amin’ireo ôrdônansy ny Fiangonana
Nandritra ny fivorian’ny mpitarika nandritra Fihaonamben’ny Fiangonana maneran-tany izay nandraisan’ireo Manampahefana Ambony sy ireo Mpiandraikitra Ambony ato amin’ny Fiangonana torolalana avy tamin’ny Fiadidiana Voalohany, dia nanao filazana ny Filoha Russell M. Nelson momba ireo fanovana ara-drafitra eo amin’ny fitsipika mifehy an’ny Fiangonana mikasika izay afaka manao vavolombelona amin’ny batisa sy ny famehezana.
Ny taratasy iray avy tamin’ny Fiadidiana Voalohany, natao ny 2 ôktôbra 2019 dia ahitana ny antsipirian’ireo fanovana natao:
“Rehefa mahazo fanasana avy amin’ireo mpitarika mpiahy dia:
-
“Azo atao vavolombelona ho an’ny batisa isoloana tena izay olona mpikambana mihazona fahazoan-dalana hidirana ny tempoly manan-kery, ka tafiditra ao anatin’izany ny fahazoan-dalana voafetra.
-
“Azo atao vavolombelona ho an’ny fanaovana famehezana ho an’ny velona na famehezana isoloana tena izay olona mpikambana efa nandray fanafiana masina ka manana fahazoan-dalana hidirana ny tempoly manan-kery.
-
“Azo atao vavolombelona ho an’ny fanaovana batisa olona velona ny mpikambana rehetra ao amin’ny Fiangonana efa vita batisa, tafiditra ao amin’izany ny ankizy sy ny tanora.”