Hanatsara ny fahaizanao
Ahoana no atao mba hanomanana lahateny atao mandritra ny fivoriana Fanasan’ny Tompo
Ny lahateninao manokana no omano fa aza mamaky fotsiny ny lahatenin’olon-kafa.
-
Mampiasà soratra masina iray na mihoatra.
-
Manasà ny Fanahy mandritra ny fanomananao. Asao ny fanatrehan’ny fanahy ao amin’ny fivoriana Fanasan’ny Tompo amin’ny alalan’ny fijoaroana ho vavolombelona ny amin’ny zavatra izay inoanao ho marina.
-
Mieritrereta tantaran’ny tena manokana izay mifandray amin’ilay fitsipiky filazantsara nasaina horesahinao. Inona no zavatra nianaranao avy tamin’izany zavatra niainana izany? Tamin’ny fomba ahoana no nanampian’izany anao?
-
Manaova fanazarana hatrany hatrany. Alaivo antoka fa vita ao anatin’ny fe-potoana nomena ny lahateninao.
Fitaovana enti-miomana
-
Fintino ny lohahevitra hovohizinao.
-
Manapaha-hevitra ny amin’ny zavatra izay tianao hofantarina, hinoana, ho tsapa, ary hataon’ny daholobe.
-
Soraty ny hafatra hampitainao.
-
Manaova teny fampidirana sy teny famaranana.
Tsy ho anao ny lahateny ataonao.
-
Mitondra fanomezana iray ianao.
-
Mijoro mba hamaly vavaka mangina ny amin’ny fomba ahafahan’ny olona iray hanatona bebe kokoa an’Andriamanitra ianao.