Jeneral Konfrens truaot long Ol Yia

Naoia, hem i stap long 190 yia blong hem, be jeneral konfrens i wan longtaem tradisen we i stap, long evri manis Epril mo Oktoba; be i bin gat sam impoten jenis ova long ol yia:

• 1830

  Tu manis afta we Jos i bin oganaes, Josef Smit i bin prisaed ova long fasfala jeneral konfrens long Feyet, Niu Yok. Samples 30 memba mo sam narawan moa oli bin stap.

• 1850

  Niuspepa ia, Deseret News i bin pablisim fasfala ful ripot blong konfrens from se wan yangfala ripota, o junalis, George D. Watt, i bin raetem evri toktok ia long sothan raeting.

• 1867

  Jeneral konfrens i bin stap blong fo dei, be i no tri olsem oltaem, from se kongregesen i bin vot blong stap wan moa dei.

• 1924

  I fas taem we oli yusum ol maek long pulpit long Tabenakol. Bifo long hemia, ol spika oli mas dipen long paoa blong voes blong olgeta blong man i harem olgeta.

• 1949

  Oli yusum ol kamera insaed long Tabenakol, mo i fas taem we oli bin brodkastem konfrens long televisen.

• 1962

  Oli tanem lanwis blong ol toktok blong konfrens i go long ol nara lanwis—blong Jemani, Denmak, mo Spen—hemia blong fas taem insaed long Tabenakol. !Naoia, oli intepretem ol toktok long ova 90 lanwis!

• 1967

  Jeneral Konfrens i brodkas long TV long kala. Ol man long Tabenakol Kwaea oli bin werem ol laet blu jaket, mo ol woman oli bin werem ol laet orenj top.

• 1977

  Konfrens i jenis, i aot long tri dei mo sikis jeneral sesen, i go long tu dei mo faef jeneral sesen.

• 2000

  Niufala Konfrens Senta long Sol Lek Siti, we 21,000 pipol i save sidaon insaed long hem, i bin holem fasfala jeneral konfrens blong hem.

Blong faenem ol toktok blong las jeneral konfrens mo olgeta we i bin hapen bifo, visitim gc.ChurchofJesusChrist.org o “Jeneral Konfrens” seksen insaed long Gospel Laebri ap.

Pikja blong podiom i kam long David Green; FOTO BLONG TELEVISEN I KAM LONG GETTY IMAGES