Fo Pikja aot long Wik blong Ista

A crown of thorns.

“Mi mi no king olsem ol king blong wol ia” (Jon 18:36).

Hat blong King Wetem Ropnil

Luk long Matiu 27:29; Mak 15:17; Jon 19:2.

Ol soldia blong Rom oli bin putum wan hat blong king wetem ropnil long Sevya. “Maet rabis aksen ia i wan aksen blong jik blong putum wan hat blong king long hed blong Hem. … I filim nogud blong tingting se ol ropnil ia i saen blong God we i no glad taem Hem i bin panisim graon from rong blong Adam mo Hem i mekem ol ropnil i kamaot. Be blong werem hat blong king ia, Jisas i tanem ol ropnil ia i kam long wan saen blong Glori blong Hem” (Presiden James E. Faust, Epril 1991 jeneral konfrens).

Pepol Kaliko

Luk long Matiu 27:28; Mak 15:17; Jon 19:2.

Pepol i wan kala blong king, mo ol soldia oli jik mo putum kaliko ia long Jisas Kraes from se Hem i bin talem se Hem i king blong Ol Jiu. Yes, long ril laef, Hem i moa bitim hemia—Hem i “King blong ol king, mo Lod blong ol lod” (1 Timoti 6:15; Revelesen 19:16).

Oil on canvas painting of Christ standing with hands bound in front, and dressed in a purple robe. Pilate is seated and dressed in gold and white. Artist signed and dated painting in lower left hand corner.

“Blad bae i kamaot long evri hol blong skin blong hem, bae hem i harem i soa bigwan” (Mosaea 3:7).

Ston blong Purumbut long Olif Frut

Luk long Matiu 26:36; Mak 14:32; Luk 22:39–40; Jon 18:1.

“Hem i wan … saen se ‘blad [i bin kamaot] long evri hol blong skin’ [Mosaea 3:7] taem Jisas i bin safa long Getsemane, ples blong ston blong purumbut long olif frut. Blong mekem olif oel long taem blong Sevya, fastaem oli rolem wan bigfala ston ova long ol olif frut. Risal blong ‘olif frut we oli smasem gud’ ia oli putum long wan sopsop baket we oli wivim we i no taet tumas, mo afta hivimap wan antap long narawan. Hevi blong ol basket ia i mekem oel i kamaot, mo fas oel we i kamaot i klia moa. Afta, i hevi moa taem oli putum ol wan bigfala wud antap long ol baket ia we oli stakemap blong i givim sam moa oel. Laswan, blong karemaot las drop blong oel, oli putum wan hevi pis wud we oli putum sam moa ston antap long wud ia blong mekem i gat moa presa blong prestem aot oel. Mo yes, oel ia i red olsem blad taem i ronaot faswan” (Elda D. Todd Christofferson, Oktoba 2016 jeneral konfrens).

A stone olive press

“Hem i no stap long ples ia, Hem i girap bakegen long ded” (Luk 24).

Emti Tumb

Luk long Matiu 28:1–8; Jon 20:1–18.

Emti tumb ia, long fas Ista moning i bin ansa long kwestin blong Job, ‘Sapos mifala i ded, ?bambae mifala i no save laef bakegen?’ [Job 14:14]. I go long evri man we i save harem voes blong mi, mi talemaot, se Sapos wan man i ded, bae hem i laef bakegen. Yumi save hemia from se yumi gat laef blong trutok” (Presiden Thomas S. Monson, “!Hem I Laef Bakegen!” Epril 2010 jeneral konfrens).

Jesus Christ's empty tomb - set at Goshen, Utah

Pikja blong hat blong king wetem ropnil i kam long i kam long Dilleen Marsh

Kraes mo Paelat, i kam long Marcus Vincent, Jos Histri Miusiom i glad blong serem

Ol foto blong ston blong purumbut long olif frut i kam long Getty Images