Stap Givhan tru long Jeneral Konfrens

Wetem evri gudfala toktok blong leftemap tingting, ol kastom blong famli, mo ol tijing we i kam long ol wokman blong Lod, jeneral konfrens i givim yumi plante wei blong givhan—!bifo konfrens, long taem blong konfrens, mo afta long wiken blong jeneral konfrens!

Olsem ol tija blong misin-preperesen klas, Susie mo Tom Mullen oltaem i stap jalenjem ol memba blong klas blong olgeta blong invaetem wan man blong wajem jeneral konfrens.

“Blong stap invaetem wan man blong mekem wan samting i wan impoten pat blong mekem misinari wok, mo i aplae tu long wok blong givhan,” hem i talem. “Oltaem ol studen blong yumi i ripot bak abaot olsem wanem i bin wokaot gud blong olgeta mo tu blong man we oli bin invaetem.”

Hemia samfala wei we ol studen blong olgeta i bin ripot taem oli go givhan:

“Mifala i givhan long wan fren we i gat sam problem we hem i stap hadwok wetem. Mifala i bin invaetem hem blong lisin long jeneral konfrens blong faenem sam ansa. Taem mifala i bin visitim hem afta long konfrens, hem i bin talem long mifala se Hem i bin harem fulap aedia we bae i save help.”
“Mifala i bin mekem wan jeneral konfrens pati mo evriwan i bin karem sam swit kakae blong serem. I bin wan gudfala taem tumas mo mifala i bin disaed blong mekem bakegen.”
“Mi bin invaetem wan fren blong wajem jeneral konfrens wetem mi. Taem mitufala i tokbaot, mitufala i disaed blong draev i go long mitinghaos blong luk sapos mitufala i save wajem long we. !Mitufala i bin wajem, mo i bin wan gudfala eksperiens moa blong stap longwe!”

Olsem ol Mullen mo ol studen blong olgeta i bin lanem, i gat fulap wei blong givhan long taem blong jeneral konfrens. !Hem i wan gudfala wei blong serem ol gudfala toktok blong leftemap tingting, ol kastom blong famli, ol storian we i gat mining, mo ol tijing blong ol wokman blong Lod!

Invaetem Ol Narawan long Hom blong Yu

“Sevya i bin givim oda long olgeta we i stap folem Hem blong ‘lavlavem yufala, olsem we mi mi lavem yufala’ (Jon 13:34). Nao yumi luk olsem Hem i bin lavem yumi. … Sapos yumi mekem Hem i kam rol model blong yumi, yumi mas oltaem traem blong stap givhan blong kasem evriwan.” —Presiden Dallin H. Oaks¹

Sam yia i pas, naesfala hom tija blong mifala Mike i bin luksave se ol trifala pikinini blong mi mo mi, i gat wan smol laptop nomo blong wajem jeneral konfrens long hem. Wan taem nomo hem i invaetem mifala blong go long haos blong hem blong waj wetem hem mo waef blong hem, Jackie, mo pus strong se bae oli laekem blong mifala i joen. Ol pikinini blong mi oli bin glad tumas blong wajem konfrens long wan tru TV; Mi talem tangkyu tumas blong gat sapot ia; mo mifala i lavem taem blong mifala tugeta.

Afta long hemia, blong stap wajem jeneral konfrens tugeta i wan kastom. Iven taem mifala i bin karem wan TV blong mifala, mifala i stil hapi blong go long haos blong Mike mo Jackie wetem ol pilo, notbuk, mo smosmol kakae blong mifala blong jeneral konfrens. Hblong harem ol toktok blong ol profet tugeta i bin mekem i spesel moa. Mifala i bin kam olsem wan famli. Mike mo Jackie i bin kam olsem sam long ol bes fren blong mi mo nambatu apu blong ol pikinini blong mi. Lav mo frensip blong olgeta i bin wan gudfala blesing long famli blong mi. Mi talem tangkyu tumas long glad hat blong olgeta blong openem hom blong olgeta mo hat blong olgeta long mifala.

Suzanne Erd, California, USA

Ol Prinsipol BLONG STAP TINGTING LONG OLGETA

“Bin Luksave”

Sevya i bin tekem taem wetem lav blong luk ol nid blong ol narawan mo afta mekem folem blong ansarem ol nid ia (luk long Matiu 9:35–36; Jon 6:5; 19:26–27). Yumi save mekem sem samting.

“Invaetem Wantaem”

Afta we mifala i luksave ol nid blong olgeta we mifala i givhan long olgeta, nekis step Hem i blong mekem.“Stap harem ol toktok blong ol profet”

Yumi mas “mit tugeta fulap taem” (Moronae 6:5) blong lan tugeta, gro tugeta, mo tokbaot ol samting long saed blong spirit we i mata moa long ol sol blong yumi.

“Kam lisin long voes blong wan profet, mo harem tok blong God”² maet bae hem i wan long ol invitesen we i impoten moa we yumi save givim long olgeta we yumi stap givhan long olgeta.

“Lav mo frensip”

Blong helpem mo gat paoa long tingting blong ol narawan wetem wan tru tingting, yumi mas bildim ol rilesensip wetem lav mo “tru lav” (luk long Doktrin mo Ol Kavenan 121:41).

Serem long Intanet

“Ol janel blong sosol media oli ol tul raon long wol we i save gat gudfala paoa long wanwan man mo bigfala namba blong wanwan man, woman mo famli. Mo mi biliv se taem i kam, blong yumi olsem ol disaepol blong Kraes blong yusum ol tul ia we oli kam tru long insperesen, blong yumi yusum olgeta long wan moa stret fasin mo long wan wei we i wok gud moa blong testifae abaot God, Papa we I No Save Finis, olsem Sevya blong wol.” —Elda David A. Bednar³

Intanet i letem yumi blong serem gospel wetem ful wol ia. !Mi laekem hemia! Mi serem sam aktiviti blong jeneral konfrens, be mi stap traem moa blong helpem ol narawan blong toktok storian raon long ol toktok blong jeneral konfrens. Blong stap luk ol kwestin i kam long ol narawan i save helpem yumi fulap taem blong luk ol samting long wan niu laet mo i save stap olsem wan spring bod long ol kwestin we yumi stap toktok raon long hem.

Mi bin faenemaot se taem yu yusum ol kwestin blong toktok raon long ol toktok blong konfrens wetem ol famli we yu stap givhan long olgeta, i helpem yu blong luk ol samting we oli strong long hem mo tu ol nid blong olgeta. Wan long ol fevret kwestin blong mi blong askem hem i, ?Wanem nao yu filim se hem i stamba toktok long wan long ol sesen blong jeneral konfrens we i bin pas?

Ansa blong olgeta, fulap taem, bae i mekem yu luksave wanem i stap gohed long laef blong olgeta mo wanem i impoten long olgeta. Hem i mekem yu save kam wan givhan brata o sista we i moa gud from yu save luksave olgeta i klia moa.

Camille Gillham, Kolorado, YSA

Ol Prinsipol BLONG STAP TINGTING LONG OLGETA

“Serem gospel”

Yumi bin kavenan blong “stanap olsem ol witnes blong God long evri taem mo long evri samting, mo long evri ples” (Mosaea 18:9).

“Krietem wan Storian”

Ol mesej blong jeneral konfrens i save givim insperesen blong gat ol storian we i gat moa mining mo spirit. Mo ol kaen storian ia i save mekem rilesensip blong yu i kam moa strong, helpem testemoni blong yu blong gro, mo !karem glad i kam long yu! (luk long Doktrin mo Ol Kavenan 50:22).

“Yusum ol kwestin”

“Ol gud kwestin bae i helpem yu blong andastanem ol intres, wari, mo kwestin we ol narawan i gat. Oli save mekem tijing blong yu i kam moa gud, invaetem Spirit, mo helpem ol pipol blong lan.”⁴