Stap Mekem Tempol Eksperiens blong Yumi I Kam Gud Moa
“Rij samting we i stap olsem hat blong king blong Kambak ia blong gospel blong Jisas Kraes, hem i tabu tempol. Ol tabu odinens mo kavenan blong tempol oli plei bigfala pat blong mekem wan pipol i rere blong welkamem Sevya long Seken Kaming blong Hem.”1
Wanwan taem, Fas Presidensi i bin mekem sam jenis long ol seremoni mo fasin blong wok insaed long tempol blong mekem se eksperiens blong ol memba insaed long tempol i kam antap, mo blong helpem evriwan we oli kam insaed blong oli filim se oli joen long God insaed long ol tabu ples ia.
Olsem pat blong eksperiens blong tempol, ol memba oli werem ol klos blong seremoni we oli gat doktrin mo simbol mining, we yumi save folemap i gobak long tempol wosip blong OlTesteman (luk long Levitikas 8 mo Eksodas 28).
Oli mekem sam jenis long ol klos blong seremoni blong tempol. Ol jenis ia, oli no minim se i gat jenis long ol simbol o doktrin blong tempol, be hem i blong mekem se eksperiens blong tempol i moa simpol, man i filim gud, mo evriwan i save gat taem oli mekem i moa isi blong putum klos, moa isi blong lukaot long klos mo save pem.
Sam long ol jenis ia oli go olsem:
-
Wan moa simpol paten blong vel mo longfala klos.
-
Oli karemaot plastik insaed long hat, mo oli karemaot tae long hat mo vel.
-
Bae oli yusum wan kaliko we i semmak long longfala klos, hat mo sas, we bae i moa strong mo i save stap longtaem moa, mo i moa isi blong lukaotem gud.
Mifala i hop se ol jenis ia bae oli help blong mekem tabu eksperiens ia i kam gud moa taem yu mekem tempol wosip i kam wan pat we yu mekem oltaem insaed long laef blong yu.