2020
Үе үеийн ерөнхий чуулган
2020 оны 4-р сар

Үе үеийн ерөнхий чуулган

tabernacle and conference center

Одоо 190 дэх жилдээ болж буй Ерөнхий чуулган нь 4, 10-р саруудад уламжлал ёсоор явагддаг боловч олон жилийн туршид сонирхолтой өөрчлөлтүүд хийгдсээр иржээ.

  • 1830

    Сүмийг зохион байгуулснаас хойш хоёр сарын дараа Иосеф Смит Нью-Йорк мужийн Фейеттэд болсон анхны Ерөнхий чуулганыг тэргүүлсэн. Гучаад гишүүнээс гадна өөр хэдэн хүн оролцжээ.

  • 1850

    Залуу сэтгүүлч Жорж Д.Вотт хэлсэн үгнүүдийг таталган бичсэнээр Deseret News чуулганы хамгийн анхны бүрэн тайланг хэвлэн гаргасан байна.

  • 1867

    Цугларагсад дахин нэг өдөр үлдэж хуралдах санал гаргаснаар чуулган ердийн гурван өдрийнхөө оронд дөрвөн өдөр үргэлжилжээ.

  • 1924

    Микрофоныг Табернеклын индэр дээр анх удаа ашигласан. Өмнө нь үг хэлсэн хүмүүс дуу хоолойгоо хүргэхийн тулд өөрсдийнхөө хүчинд найдах ёстой байв.

  • 1949

    Табернеклд камер ашигладаг болсноор чуулганыг анх телевизээр шууд дамжуулжээ.

  • 1962

    Табернеклд хэлсэн үгнүүдийг анх удаа герман, голланд, испани зэрэг өөр хэл рүү орчуулсан. Одоо хэлсэн үгнүүдийг 90 гаруй хэлээр орчуулдаг болсон.

  • 1967

    Ерөнхий чуулганыг зурагтаар өнгөтөөр дамжуулсан. Табернеклын найрал дууны эрчүүд цайвар цэнхэр өнгийн хүрэм, харин эмэгтэйчүүд хулд загасны өнгөтэй цамц өмсжээ.

  • 1977

    Чуулган гурван өдөр, зургаан ерөнхий хуралдаан явагддаг байснаа өөрчлөгдөж, хоёр өдөр, таван ерөнхий хуралдаан явуулах болсон.

  • 2000

    21000 хүний суудалтай Солт Лэйк Ситид байрлах Чуулганы шинэ төвд анхны Ерөнхий чуулганыг зохион байгуулсан.

Индрийн зургийг Дэвид Грийн; GETTY IMAGES-ИЙН, ТЕЛЕВИЗЭЭС АВСАН ГЭРЭЛ ЗУРАГ