2020
Mau parau rahi nō te 190ra’a o te ’āmuira’a rahi matahiti
Me 2020

Mau parau rahi nō te 190ra’a o te ’āmuira’a rahi matahiti

E mea māramarama te parau poro’i a te peresideni Russell M. Nelson i roto i te ’āmuira’a rahi : « A fa’aro’o iāna. »

« Tītauhia ia tātou ’ia ’imi, nā roto i te mau rāve’a ato’a, ’ia fa’aro’o ia Iesu Mesia, ’o tē paraparau mai nei ia tātou nā roto i te pūai ’e te aupurura’a a te Vārua Maita’i.

« Te tumu nō teie ’āmuira’a rahi ’e nō te mau ’āmuira’a ato’a, nō te tauturu ïa ia tātou ’ia fa’aro’o iāna » (’api 7).

I roto i te hō’ē ’āmuira’a fa’atumuhia i ni’a i te ’Ōrama Mātāmua ’e te Fa’aho’i-fa’ahou-ra’a mai, ’ua ha’api’ihia tātou ē, e nehenehe tātou e fa’aro’o iāna, mai ia Iosepha Semita i fa’aro’o i roto i te uru rā’au mo’a. Ma te hā’atihia tātou i te mau fifi o te ma’i pe’e nā te ao ato’a nei e ha’afifi nei e rave rahi mirioni ta’ata, ’ua ha’api’ihia tātou ’ia fa’aro’o iāna nō te arata’ira’a i roto i tō tātou mau ’ati. Ma te hi’o i te hō’ē ananahi māramarama nō te ’Ēkālesia ’e nō tātou tāta’itahi, ’ua ha’api’ihia tātou ’ia fa’a’āpī i tā tātou mau tauto’ora’a ’ia fa’aro’o iāna ’e ’ia pe’e iāna.

’Ua parau te peresideni Nelson, « te mau ’ohipa fa’auru e rave rahi o teie ’āmuira’a rahi nō ’Ēperēra 2020… e nehenehe ïa e ha’apotohia nā roto e toru ta’o i ha’amau-hanahana-hia : ’A fa’aro’o iāna’. Tē pure nei mātou ’ia ti’a i tā ’outou fa’atumura’a i ni’a i te Metua i te ao ra, tei fa’ahiti i teie mau parau, ’e i ni’a i tāna tamaiti here, o Iesu Mesia, ’ia fa’a’ī i te pae rahi a’e o tā ’outou mau ha’amana’ora’a i te mau mea ato’a i tupu » .

’A tuatāpapa ai ’outou i te mau parau poro’i nō teie ’āmuira’a ’e ’a ’imi ai « ’ia fa’aro’o, ’e ’ia ha’apa’o i te mau parau a te Fa’aora », e ’ite mai ’outou i te parau fafau a te peropheta i te tupura’a i roto i tō ’outou orara’a nā roto i « te topara’a te mata’u ’e te mara’ara’a te fa’aro’o » (’api 114).

  • ’Ua fa’aō mai te peresideni Nelson i te hō’ē taipe ’āpī nō te ’Ēkālesia i ni’a i te ’api 73.

  • ’Ua fa’aō mai te peresideni Nelson i te hō’ē parau poro’i nō ni’a i te Fa’aho’i-fa’ahou-ra’a mai i ni’a i te ’api 91.

  • ’Ua arata’i te peresideni Nelson i te hō’ē ’āmuira’a hanahanaha nā te ao ato’a nei i ni’a i te ’api 92.

  • ’Ua fa’aara te peresideni Nelson e va’u hiero ’āpī i ni’a i te ’api 115.

  • Ha’api’i hau atu nō ni’a i te huru e nehenehe ai tātou e tauturu ia vetahi ’ē #’Afa’aro’oiāna i ni’a HearHim.ChurchofJesusChrist.org.