Elder Kelly R. Johnson

Hitu ’Ahuru Huimana fa’atere rahi

Tē ha’amana’o maita’i nei o Elder Kelly R. Johnson i te mahana ’a pi’ihia ai ’oia ’ei ’episekōpo i te 31ra’a o tōna matahiti. I taua mahana ato’a ra, ’ua ’itehia ē, e ma’i hāpepa Bell tōna—e ma’i teie e ha’aparuparu i te mau uaua o te hō’ē pae o te hōho’a mata.

’Ua riro te reira ’ei taime fifi mau, ’eiaha nō te au ’ore nō te reira ma’i, nō tāna ato’a rā mau hōpoi’a ’āpī e rave rahi. ’Ua riro mai rā taua taime fifi ra ’ei ha’amaita’ira’a.

« Nō tō’u ’ite ’ore e aha te roara’a o teie fifi, ’ua fa’atupu vau i te aroha nō te mau ta’ata tei pārahi i pīha’i iho iā’u nō te toe’a o tō’u orara’a », tāna ïa parau. « ’Ua ha’api’i pāpū mai au ē, e topa te ta’ata i roto i te mau mea fifi ’e te ’oto e’ita e roa’a ia rātou ’ia arai, ’e o te ha’afifi i tō rātou mau ’aravini, tō rātou mau mana’o ’e tō rātou ti’aturira’a.

I te tahi taime, e ’ere i te mea ’ōhie ’ia tāvini i roto i te ’Ēkālesia a te Fatu. Terā rā, mai te mau pipi a te Fa’aora « fa’aru’e ihora rāua i tā rāua tau ’upe’a i reira ra »(Mataio 4:20) nō te pe’e iāna, « te mau mea ato’a e anihia mai ia tātou ’ia rave, ’ua ineine tātou nō te rave », te parau ïa a Elder Johnson.

Noa atu te vāhi tā te Fatu e pi’i iāna ’aore rā, i tōna ’utuāfare, e haere rātou ma te ’ā’au ’e te mana’o tae, ma te ’imi i te maita’i, noa atu te huru o te orara’a.

’Ua fānauhia o Kelly Ray Johnson i Pleasant View, Utaha, i te 16 nō Tēnuare 1963, nā Harold Raymond Johnson Jr. ’e o Helen Cragaun Johnson. ’Ua pa’ari ’oia i Ogden, Utaha, ’e ’ua fa’aipoipo ia Teressa Lynn Bartrum i roto i te hiero nō Roto Miti i te 27 nō Māti 1986. E pae tamari’i tā rāua.

’Ua roa’a te parau tū’ite a Elder Johnson nō te fare ha’api’ira’a nō Weber State University i te matahiti 1987, ’e te parau tū’ite baccalaureat nō te ’ohipa mātutu moni, ’e ’ua fāri’i i tāna parau tū’ite master nō te fa’atere ’ohipa i te fare ha’api’ira’a teitei Brigham Young i te matahiti 1989. ’Ua rave ’oia i te ’ohipa ha’avā mātutu nā te taiete KPMG ’e ’aita i maoro a’e nei, ’ei ta’ata ha’avā mātutu ’e ’ei ’āpiti nō Norman, Townsend, ’e Johnson.

E Hitu ’Ahuru ārea o Elder Johnson i te taime ’a pi’ihia ai ’oia, ’ua tāvini ’oia ’ei peresideni misiōni i roto i te misioni nō Thailand Bangkok, i reira ’oia i te tāvinira’a i tāna misiōni rave tāmau, ’e ’ei peresideni titi, ’ei tauturu i roto i te hō’ē peresidenira’a titi, ’ei melo ’āpo’ora’a teitei, ’ei ’episekōpo, ’ei peresideni nō te pupu peresibutero, ’ei fa’atere misiōni pāroita, ’e ’ei ’orometua fa’aineine misiōnare nō te titi.