Itulau i le lotoifale
Na Faapotopoto le Aoga a Kiripati e Faalogologo i le Tautalaga ‘Alu ma Fai’ a le Faifeautalai
O Elder Theo Magalogo o se fai musika ata tifaga mai Niu Sila, o loo saunoa atu i tamaiti aoga.
O Elder Magalogo ma lana soa faifeautalai, o Elder Applegarth, o Le Ekalesia a Iesu Keriso o le Au Paia o Aso e Gata Ai, na saunoa atu i se faigalotu mo tamaiti aoga ma faiaoga i le Aoga Maualuga a Moronae i Kiripati i le aso 12 o Fepuari.
O Elder Magalogo o loo faaalia i le ata vitio musika autu a le autalavou a le Ekalesia 2020, lea na pueina i Niu Sila.
Na ia talanoa e uiga i ona aafiaga ao pueina le vitio ma luiina le autalavou ia lagonaina aafiaga o le Faaola i o latou olaga.
O se mea iloga i le faigalotu le faalogologo atu i le aufaipese a le Aoga Maualuga a Moronae o lagiina le “Alu ma Fai” i le gagana Peretania ma le Kiripati.
E pei ona sa saunoa se faiaoga o le Aoga Maualuga a Moronae, o Ataake Tekanene, “Na faatumulia le potu i le sili atu ma le 700 tamaiti aoga ma tagata faigaluega (sili atu ma le 30), e aofia ai le puleaoga ma sui puleaoga.”
O Elder Magalogo “sa i ai mata ma taliga o tagata uma mai lava i le amataga o lana tautalaga seia oo ina ma’ea.”
Na faaauau Tekanene: “Sa matuai manaia lava (muamua) ona e leai lava se tasi na vaai muamua i se tagata fai ata tifaga (lauiloa). Sa latou lē talitonu o se tagata mai le ata tifaga o le a tu atu o ia lava i o latou luma!”
“Sa matuai manaia foi,” na ia fai mai ai, “ina ua ia faamatala atu i tamaiti aoga ma le aufaigaluega le ala na filifilia ai o ia mai le 700+ tagata o e na mananao e faataitai i lena vitio. Le ala na ia sao ai mai le lofituina ma le popole i le faagaoioiga o le siakiina po o le faaitiitia ai o le 700+ tagata ina ia maua ai ni tagata sa’o e toafā i totonu o vaega e fa.
“Na ia onosaia le umi o le faagaoioiga ma sa ia fiafia ina ua talia mulimuli ane o ia e avea ma se tasi o tagata i totonu o lena vitio.”