Tuusao i le Mataupu

E mafai faapefea ona ou maua se molimau loloto i le uluai faaaliga a le perofeta o Iosefa Samita?

Ata na tusia e Dan Burr

O le tausaga lenei, 2020, o le faamanatuina o le 200 tausaga o le Uluai Faaaliga a Iosefa Samita. Na fautuaina mai e Peresitene Russell M. Nelson nisi o auala e faamalosia ai a tatou molimau i lenei mea taua na tupu:

• Toe faitau le tala a Iosefa Samita i le Uluai Faaaliga (tagai i le Iosefa Samita—Talafaasolopito 1:1–26).

• Mafaufau loloto i fesili e pei o le, “O le a faapefea ona ese lo’u olaga pe afai e aveese faafuasei lo’u malamalama na maua mai le Tusi a Mamona?” po o le “Na faapefea e taualumaga ia na sosoo mai ma le Uluai Faaaliga ona faia se eseesega mo a’u ma ē pele ia te a’u?” (tagai “Tuleiga Faaiu,” konafesi aoao Oketopa 2019).

• E le gata i lea, atonu e te manao e aoao atili e uiga i le Uluai Faaaliga e ala i le faitau e uiga i lomiga eseese o le tala na tau atu e Iosefa Samita i tagata (tagai i le “O Tala o le Uluai FaaaligaO Tala o le Uluai FaaaligaO Tala o le Uluai Faaaliga,” Autu o le Talalelei, topics.ChurchofJesusChrist.org).

• Suesueina le folafolaga fou i le Toefuataina ma tusitusia ana feau i lou loto. (tagai Russell M. Nelson, “Hear Him”, Liahona, Me 2020, 91-92

• Suesue i lauga mai le konafesi aoao ia Aperila 2020, lea na faamanatu ai le 200 tausaga o le Uluai Faaaliga.

• A uma ona e suesue ma mafaufau loloto, e taua le alu atu i le Tama Faalelagi i le tatalo. Faailoa atu lou agaga faafetai ia te Ia mo le valaauina o le Perofeta o Iosefa Samita ma le malamalama ma le poto sili ua oo mai ia i tatou o se taunuuga. Ole atu ma le lotomaualalo ia te Ia e faamalosia lau molimau i le Uluai Faaaliga. Ma fesili atu ia te Ia pe i ai se mea e mafai ona e faia o le a faamalosia atili ai lena molimau. O le a Ia tali atu ia te oe e ala i Lona Agaga ma tuuina atu ia te oe ni fautuaga patino.