Tala o Tusitusiga Paia
O Tagata Faamaoni na Mulimuli ia Iesu
Faitau e uiga i lenei mea i le 3 Nifae 17 e oo i le 4 Nifae 1.
Ata na tusia e Apryl Stott
Ina ua asiasi atu Iesu i tagata sa Nifae, na Ia aoao atu i latou e uiga i le papatisoga ma le ala e tagofia ai le faamanatuga. Na Ia faatuina Lana Ekalesia.
Sa faamanuiaina e Iesu tamaiti taitoatasi. Na o mai agelu! Sa faamalolo e Iesu ia tagata ma sa tatalo mo i latou. Ona Ia toe foi ai lea i le lagi.
Ina ua maliu ese Iesu, sa faia pea e tagata mea sa Ia aoao atu ai. Sa galulue faatasi tagata uma ma fefaasoaai mea sa latou maua, o lea sa leai ai se tasi e mativa. Sa faamanuiaina e taitai o le Ekalesia i latou o e sa mama’i.
Nai lo le tauaimisa, sa filifili tagata e fealofani. Sa mulimuli tagata uma i tulafono a le Atua. Ma sa latou fiafia mo se taimi umi!
O le a sili atu le fiafia o lo’u olaga pe a ou mulimuli i poloaiga a le Atua. E mafai ona ou faasoa atu mea ua ou maua i isi. E mafai ona ou fesoasoani i tagata ia fealofani.