Sau, Mulimuli Mai ia te A’u: Tusi a Mamona
E mafai faapefea ona ou tatalo e faapei ona sa aoao mai e le Faaola?
(28 Setema–11 Oketopa)
Ina ua asiasi atu le Faaola ia sa Nifae, e 11 taimi na Ia tatalo ai faatasi ma i latou. E ala i upu ma faataitaiga, sa Ia aoao atu ai i latou i le ala e tatau ona latou tatalo ai. O loo faaauau pea e perofeta, tagata vaai, ma tali faaaliga o aso e gata ai ona aoao mai mea sa aoao mai e le Faaola e uiga i le tatalo. O nisi nei o faataitaiga:
|
O mea sa aoao mai e le Faaola. |
O mea o loo aoao mai e perofeta, tagata vaai, ma tali faaaliga o Aso e Gata Ai |
|
Tatalo mo isi (tagai 3 Nifae 17:14, 17, 21; tagai foi 3 Nifae 18:23) |
“Tatalo mo isi faatasi ai ma le malosi uma o o tatou agaga, e faateleina ai lo tatou malosi e lagona ai ma gauai atu i le siufofoga o le Alii.”1 |
|
Ia mataala ma tatalo e le aunoa” (3 Nifae 18:15)“ |
“E ala i le tatalo ma le faamaoni ma le lotonaunau e mafai ai ona tatou maua ia faamanuiaga manaomia ma le lagolago e moomia ina ia tatou saogalemu ai i lenei malaga faigata ma luitau i nisi o taimi lea ua tatou ta’ua o le olaga faitino.”2 |
|
“Tatalo i o outou aiga (3 Nifae 18:21; tagai foi 3 Nifae 17:3) |
“Afai o le a e … [auai] i tatalo faaleaiga i aso taitasi, …o le a e maua faamanuiaga folafolaina a le Alii i le tausia o se fanau amiotonu.”3 |
|
Aua le faatelea ni mau upu (tagai 3 Nifae 19:24; tagai foi 3 Nifae13:7) |
“O a tatou tatalo e tatau ona faigofie, tuusa’o ma faamaoni.”4 |
|
“Tatalo pea” (3 Nifae 19:26) |
“Tatalo soo. Tatalo i lou mafaufau, ma i lou loto. Tatalo i ou tulivae. O le tatalo o lau lava lea ki i le lagi. O le loka o loo i lou itu o le veli.”5 |