Afai o Oe o se Tagata na Afaina i Sauaga

O Le A Le Faatautala/Sauaina?

O le faatautala/sauaina o le tuulafoaiina po o le faia ma le le migao o isi (e pei o se tamaitiiti, se tagata matua, se tagata e i ai manaoga faapitoa, po o se isi lava) i se auala e mafua ai se manu’a faaletino, faalelagona, pe faalefeusuaiga. E feteenai ma aoaoga a le Faaola.

“O le tulaga o le Ekalesia e le mafai ona taliaina le faatautala/sauaina o soo se ituaiga” (Tusitaulima Aoao: Auauna Atu i Le Ekalesia a Iesu Keriso o le Au Paia o Aso e Gata Ai [2020], 38.6.2) O sauaga faatautala o le solia lea o tulafono a le Atua ma faapea foi ona avea o se solitulafono o tulafono o nuu ma alalafaga.

Ituaiga Eseese o Faatautala/Sauaina

Sauaina Faaletino: Amioga ’ina’inā ma le loto i ai po o amioga faasaua e se tagata i se isi, ia e afua ai manu’a o le tino.

Sauaina Faalefeusuai: O gaoioiga po o fesootaiga faalefeusuai e le’i manaomia, ma tagata e faatinoina le faatiga e ala i le fai faamalosi, faia faiga taufaamata’u, po o le faia faatautala o tagata e le mafai ona tuuina atu se ioega. O gaoioiga faalefeusuai uma i le va o se tagata matua ma se tamaitiiti o le sauaina po o le faatautala lea tusa lava po o le a le malie i ai.

Sauaina i Upu pe Faalelagona: O se mamanu o amio e osofaia ai pea lava e se tagata ma le loto i ai se tasi i auala e le tinoa, e pei o upu malolosi, faamata’uina, faapopotoina, pe faamaasiasia. O lea mea e afua ai se lagona tuumaualaloina o le taua o le tagata lava ia ma le mamalu. E ui ina e le faaletino, ae o lenei ituaiga o sauaina e faatamaia ai se soifua manuia aoao faalemafaufau ma faalelagona o se tagata.

E Faapefea Ona Maua le Fesoasoani

Ua faamoemoeina i tatou e le Alii ina ia faia mea uma tatou te mafaia e taofia ai le sauaina ma ia puipuia ma fesoasoani atu ia i latou ua aafia i sauaga faatautala. E leai se tasi e faamoemoeina e onosaia amioga sauā faatautala. Pe o tupu i le taimi nei pe sa tupu i se taimi ua leva, e mafai lava ona e mauaina punaoa e fesoasoani ai ia te oe i le abuse.ChurchofJesusChrist.org.