Mai le Au Peresitene Sili

O Le Faamanatuga ma A’u

Saunia e Peresitene Dallin H. Oaks

Fesoasoani Muamua i le Au Peresitene Sili

Sii mai i le “Sauniga Faamanatuga ma le Faamanatuga,” Liahona, Nov. 2008, 17–20.

O le faamanatuga o le vaega aupito taua o le sauniga faamanatuga.. A tatou aai ma feinu i le faamanatuga, ua tatou folafola atu e manatua pea le Faaola. Ina ia faia le faamanatuga ia faapitoa, tatou te…

• Fai o tatou lavalava e faaalia ai tatou te faamamaluina le faamanatuga.

• Nonofo fifilemu a o lei amataina le sauniga.

• Usu viiga o le faamanatuga.

• Mafaufau ia Iesu ma folafola atu e manatua pea o Ia.

E fesoasoani le faamanatuga ia i tatou ia lagonaina le Agaga Paia. E fesoasoani tatou te tutumau i luga o le ala e toe foi atu ai i lo tatou aiga faalelagi.

Faaalia Le Alofa mo Iesu

E mafai ona tatou faaalia lo tatou alofa mo Iesu e ala i le migao i le taimi o le faamanatuga. O le a lau mea e fai i le taimi o le faamanatuga?

• Nofo filemu.

• Mafaufau i le viiga faamanatuga ou te fiafia lava i ai.

• Mafaufau i se tala e uiga ia Iesu.

• Tatalo i le Tama Faalelagi.