Tuusao i le Mataupu
Afai sa i ai o’u luitau faalesoifua maloloina o le mafaufau, pe mafai pea lava ona ou alu i se misiona?
Ioe. O i latou uma ua “i ai le manao e auauna atu i le Atua … ua valaaulia outou i le galuega” (Mataupu Faavae ma Feagaiga 4:3). O fea tatou te auauna atu ai e le taua tele nai lo le auala tatou te auauna atu ai. Ma soo se tasi e mafaufau e auauna atu i se misiona, o le a faia o latou suesuega faaletino ma le mafaufau.
Afai ua ia te oe le mana’o e auauna atu i se misiona, talanoa i lou epikopo. E mafai ona fesoasoani o ia ia te oe e amata le faagasologa o lau talosaga. O se vaega o lena faagasologa o le a aofia ai le feutagai ma fomai ma isi polofesa, faapea foi taitai o le Ekalesia ma matua. O nei feutagaiga e le faapea ai e iloilo pe e “lava lou lelei” mo le Alii, ae ia fesoasoani e iloa ai itu sili mo lau auaunaga.
O se valaauga e auauna atu e mafai ona oo mai i soo se tasi ua i ai le manao e auauna atu. O le tofiga e te mauaina e auauna atu i se nofoaga faapitoa, pe i se auala faapitoa e mafai ona faalagolago i le tele o itu taua. O tagata e i ai luitau faalesoifua maloloina (e aofia ai le soifua manuia faalemafaufau) e taumafai i nisi taimi e taofiofi lea faamatalaga i le faagasologa o le talosaga, ma le manatu o le a fesoasoani ia i latou ia maua le tofiga latou te mananao ai. Ae afai e te faamaoni atoatoa e uiga i lou talaaga faafomai (e aofia ai lou soifua manuia faalemafaufau, o le a faamanuiaina oe e le Alii. Na te faamoemoe ia te oe e te faia mea uma e te mafaia ia faaleleia ai lou soifua maloloina. Ma o le tele lava o le lagolagosua faafomai e te maua i le fale, e mafai lava ona faaauau i le galuega i le misiona.