Faasoaina Atu o le Talalelei

Saunia e Elder Edward Dube

O Le Fitugafulu

“Faaaoao ia te au … ona maua lea e outou le malologa mo o outou agaga” (Mataio 11:29).

Na aumai ia te a’u e se tamaloa ou te faigaluega ai se kopi o le Tusi a Mamona. Ae ou te lei faitauina mo le toeitiiti lua tausaga. I se tasi Aso Sa, sa ou tago ai i le Tusi a Mamona ma ou alu i se ala o nofoaafi i fafo atu o le taulaga sa ou nofo ai i Zimbabwe. Sa ou nofo i lalo ma amata ona faitau.

I le taimi muamua, sa faigata ona malamalama ai. Ae sa ou toe faitau ma toe faitau i le molimau a Iosefa Samita. Sa tuia lo’u loto i ana upu.

Mulimuli ane, sa valaaulia au e se tasi ou te alu atu i le lotu. I le taimi muamua, ou te lei maua se lagona lelei, o lea sa ou nofo ai i le laina pito i tua. Ae ina ua amata ona faasoa mai molimau a tagata e uiga i le Faaola o Iesu Keriso ma le Tusi a Mamona, sa ou lagonaina se mea matagofie i totonu.

E lei umi lena, ae o mai faifeautalai i lo matou pitonuu. Sa lei umi ae ou papatiso. Na mavae ni tausaga mulimuli ane, sa ou maua le faamamaluina i le auauna atu i se misiona ma faasoa atu le talalelei i le toatele o isi.

Ua matuai faatupulaia le Ekalesia i Zimbabwe. Ae o loo tele pea mea e mafai ona tatou faia e faasoa atu ai le talalelei, tusa lava po o fea tatou te nonofo ai. E ala i tatalo, suesue o tusitusiga paia, ma afiafi faaleaiga, e mafai ona e faatupulaia lau molimau ma tumau vavalalata i le Tama Faalelagi. O lau molimau e mafai ona faamanuiaina ai olaga o le toatele o tagata i le lalolagi atoa.