Kumusta gikan sa Madagascar!

Hi, kami si Margo ug Paolo.

Nagbiyahe kami sa tibuok kalibutan aron makakat-on mahitungod sa mga anak sa Dios. Kuyugi mi samtang bisitahon namo ang Madagascar!

Ang Madagascar usa ka isla gikan sa silangan nga baybayon sa Africa. Kini adunay daghan nga mga tanom ug mga hayop nga dili makit-an bisan asa sa kalibutan—sama niining giring-giring og ikog [ring-tailed] nga lemur!

Kini nga mga batang lalaki nagtabang sa pagdala sa sudlanan og tubig alang sa ilang pamilya. Sa unsang paagi kamo nagtabang sa inyong pamilya?

Gamay ang Simbahan sa Madagascar, apan nagkadako kini! Karon adunay 14 ka ward ug 26 ka branch didto.

Mas daghang matang sa mga chameleon ang nagpuyo sa Madagascar kay sa bisan asang dapit sa kalibutan!

Kining dagko kaayong baobab nga mga kahoy makatipig og daghan kaayong tubig sa ilang mga punoan—kutob sa 120,000 ka litro!

Daghang mga tawo sa Madagascar mokaon og kan-on kaduha o katulo sa usa ka adlaw, usahay adunay mga utanon, mga batong, o karne.

Ang Malagasy nga pulong sa “higala” kay namana. Kon kamo makahimamat og bag-o nga higala sa Madagascar, unsay inyong isulti kanila?

Himamata ang pipila sa among mga higala gikan sa Madagascar!

Nasayud ko nga si Jesukristo mao ang atong Manluluwas.

Nathan, 7 anyos, Probinsya sa Antananarivo, Madagascar

Si Russell M. Nelson usa ka propeta sa Dios.

Nomena, 6 anyos, Probinsya sa Antananarivo, Madagascar

Taga-Madagascar ka ba? Sulati kami! Ganahan kaming makadungog gikan kaninyo.

Salamat sa pagsuroy sa Madagascar uban kanamo. Magkita kita sa sunod higayon!