Unsa may gipasabut sa tinuoray nga makabig?

(Oktubre 19–25)

Human sa pagpakita sa Manluluwas ngadto sa mga Nephite, sila nakasinati og dul-an sa 200 ka tuig nga panaghiusa ug kalinaw tungod kay sila “tanan nakabig ngadto sa Ginoo” (4 Nephi 1:2).

Kalipay ug Panaghiusa

Ang mga Nephite malipayon ug nahiusa pinaagi sa ilang matarung nga mga buhat (tan-awa sa 4 Nephi 1:2–15).

Sila makiangayon ug mabination ngadto sa usag usa.
Sila misunod sa mga sugo ni Kristo.
Sila mapainubsanon diha sa pagpuasa ug pag-ampo.

Unsa ang pipila sa ubang mga ehemplo sa matarung nga mga buhat sa mga Nephite? Kamo mahimong mobasa sa 4 Nephi 1:2–15 ug sulatan ang mga blangko sa dugang nga mga ehemplo nga inyong makit-an:

_______________________________________________________________
_______________________________________________________________

Kagul-anan ug Pagkabahin-bahin

Subo lang, kadtong mga katuigan sa panaghiusa ug kalipay wala molungtad sa kahangturan. Sa katapusan, ang mga Nephite mihunong sa pagsunod sa mga sugo sa Dios (tan-awa sa 4 Nephi 1:24–31). Sa pagbuhat sa ingon:

Nahimo silang dalo ug mapahitas-on.
Sila mitukod og ilang kaugalingong mga simbahan alang sa pinansyal nga ganansya.
Sila milimud sa Simbahan ni Kristo.