Ang Sakramento ug Ako

Ni Presidente Dallin H. Oaks

Unang Magtatambag sa Unang Kapangulohan

Gipahiuyon sa “Ang Miting sa Sakramento ug ang Sakramento,” Liahona, Nob. 2008, 17–20.

Ang sakramento mao ang labing importante nga bahin sa miting sa sakramento. Kon kita moambit sa sakramento, kita nagsaad nga sa kanunay mohinumdom sa Manluluwas. Aron mahimong espesyal ang sakramento, kita

Magsinina aron mopakita og pagtahud sa sakramento.
Hilom nga maglingkod sa dili pa magsugod ang mga miting.
Mokanta sa himno sa sakramento.
Maghunahuna mahitungod ni Jesus ug mosaad nga kanunay mohinumdom Kaniya.

Ang sakramento makatabang kanato nga mobati sa Espiritu Santo. Makatabang kini kanato nga magpabilin sa dalan balik sa atong langitnong panimalay. ●

Pagpakita og Gugma alang ni Jesus

Makapakita kita og gugma alang ni Jesus pinaagi sa pagpakita og balaang pagtahud atol sa sakramento. Unsay inyong buhaton atol sa sakramento?

Hilom nga maglingkod.
Maghunahuna sa akong paborito nga himno sa sakramento.
Maghunahuna og usa ka istorya mahitungod ni Jesus.
Mag-ampo sa Langitnong Amahan.