Lokol Pej
Garen long Taem Boda we I Klos I Blesem Famli mo Ol Narawan long Fiji
Wan kapol i faenem se tufala i glad blong stap planem kaekae blong tufala.
Wol sik KODIV-19 ia mo ol ples we oli klosem boda long plante ples, i bin jenisim evri dei laef long plante wei. Oli kanselem ol bigfala samting, i no gat tumas sosol laef, mo man i mas sarem hemwan; ol samting ia oli bin had blong wok wetem, be plante pipol oli stap faenem ol wei blong lanem samting, groap mo kam antap gud.
Sulueti Kama, i stap olsem sekretari blong Fiji Suva Misin Presiden blong Jos Ia blong Jisas Kraes blong Ol Lata-dei Sent, mo hem i bin holem plante nara posisen tu—Institiut tija, Jos komunikesen daerekta, i laekem Sumba, be hem i neva mekem wan garen.
Wetem moa taem we hem i gat long taem blong KOVID-19 ia, hem i faenem se han blong hem i gud blong planem samting long graon.
Long Mei 2020, hem mo hasban blong hem oli draev stat long Suva i go long Nadi blong jekem sam fren we oli bin lusum wok blong olgeta. Fren blong olgeta i gat bigfala fam, mo oli bin stap planem kaekae blong olgeta. Taem we oli bin visitim wan lokol neseri tugeta, Sulueti i luk ol ro blong ol sid we oli jes gro. Hemia i tajem hem. Intres blong hem long garen i stat.
Ol trei blong sid, tomato, kabis, mo egplan oli kasem hom blong hem. Hem i disaed blong planem olgeta long ol pot, mo naoia hem i gat 84 pot blong samting we oli save kakae, olsem kukamba, Franis bin, ol radis, mo ol lif olsem silantro, dil, oregano mo ol jili.
Hem i bin lanem abaot ol bes kaen graon blong mekem garen wetem, i lukluk ol defren mersin blong protektem ol plant, mo i serem ol stori wetem ol fren we oli ol fama. Man blong hem i bildim wan salsal blong hem.
“Hem i wan naesfala samting tumas we i eva hapen long mitufala, mitufala a faenem wan samting blong pasem taem mo wan skil we yumi tufala i neva gat bifo mo fas long hem,” Sula i talem.
Ol Fesbuk pos blong Sulu, plante taem i gat ol foto blong ol plan blong hem wetem ol toktok ia: “Afta wan haoa blong mekem Zumba long 5 klok moning, mi no save wet nating blong go long haos blong jekem ol plan blong mi mo planem sam moa. Mi glad tumas blong luk ol lif blong mi—oregano mo dil we oli stat sakem lif tugeta wetem ol kukamba . . . mi jes planem ol sid long Satedei.”
“Evri dei mi stap lukluk i go fored blong go long haos blong luk ol plan blong mi hamas oli in gru nomata we mi jes wok wetem olgeta long ol moning.”
Wanem bae oli mekem wetem evri vejetebol ia taem oli redi? Sulu i save. “Hem i mi wetem man blong mi nomo naoia mo bae mitufala mekem moa bitim we mitufala i nidim, mekem se mitufala i letem Bisop i save long hem. Mitufala i prea se garen blong mitufala bae i karem moa kakae mekem se bae hem i save givim long olgeta we oli stap long nid.