សារលិខិតសា្វគមន៍

ការដកស្រង់

ប្រធាន រ័សុល អិម ណិលសុន

ប្រធានសាសនាចក្រនៃព្រះយេស៊ូវគ្រីស្ទពួកបរិសុទ្ធថ្ងៃចុងក្រោយ

បងប្អូនប្រុសស្រី និងមិត្តជាទីស្រឡាញ់របស់ខ្ញុំទូទាំងពិភពលោក ខ្ញុំសូមស្វាគមន៍បងប្អូនយ៉ាងកក់ក្ដៅមកកាន់សន្និសីទទូទៅនេះ ។…

ឆ្នាំមុននេះគឺជាឆ្នាំមួយដែលអស្ចារ្យ និងមិនធម្មតា ។ ច្បាស់ណាស់ យើងម្នាក់ៗបានរៀនអ្វីមួយដែលយើងមិនបានដឹងពីមុនមក ។ មេរៀនមួយចំនួនដែលខ្ញុំបានដឹង ពីមុន បានចារទុកក្នុងដួងចិត្តខ្ញុំតាមរបៀបណែនាំថ្មី ។

ឧទាហរណ៍ ខ្ញុំ ដឹង យ៉ាងប្រាកដថា ព្រះអម្ចាស់ដឹកនាំកិច្ចការក្នុងសាសនាចក្ររបស់ទ្រង់ ។…

នៅពេលនេះខ្ញុំក៏យល់កាន់តែច្បាស់ពីអ្វីដែលទ្រង់ចង់សំដៅលើ កាលទ្រង់មានបន្ទូលថា « មើលចុះ យើងនឹងពន្លឿនកិច្ចការរបស់យើងឲ្យឆាប់កើតនៅពេលកំណត់ » [ គោលលទ្ធិ និង សេចក្តីសញ្ញា ៨៨:៧៣ ] ។…

… នៅឆ្នាំមុននេះ បងប្អូន ជាច្រើន បានបង្កើនការសិក្សាដំណឹងល្អនៅក្នុងគេហដ្ឋានរបស់បងប្អូនយ៉ាងខ្លាំង ។ ខ្ញុំសូមអរគុណដល់បងប្អូន ហើយកូនចៅរបស់បងប្អូននឹងអរគុណដល់បងប្អូន ។…

ផ្នែកមួយនៃការប្រមូលផ្ដុំអ៊ីស្រាអែល ហើយជាផ្នែកដ៏សំខាន់មួយគឺជាកាតព្វកិច្ចរបស់យើងក្នុងនាមជាមនុស្សដែលមាន ភាពស័ក្ដិសម និង ឆន្ទៈ ដើម្បីជួយរៀបចំពិភពលោកនេះសម្រាប់ការយាងមកជាលើកទីពីររបស់ព្រះអម្ចាស់ ។

កាលយើងស្ដាប់សារលិខិតដែលបានរៀបចំយ៉ាងប្រុងប្រយ័ត្ន ដោយថ្នាក់ដឹកនាំរបស់យើងនៅក្រោមការដឹកនាំពីព្រះវិញ្ញាណបរិសុទ្ធ នោះខ្ញុំសូមអញ្ជើញបងប្អូនឲ្យអធិស្ឋានដើម្បីស្គាល់ពីកម្ទេចកម្ទីចាស់ៗ ដែលបងប្អូនគួរតែរើចេញពីជីវិតរបស់បងប្អូន ដើម្បីបងប្អូនអាចកាន់តែមានភាពស័ក្ដិសម ។

… សូមស្វាគមន៍មកកាន់សន្និសីទទូទៅ ហើយមានឯកសិទ្ធិដើម្បីស្ដាប់ឮព្រះសូរសៀងរបស់ព្រះអម្ចាស់ ។