« ហេតុអ្វីជាផ្លូវនៃសេចក្តីសញ្ញា » ដើម្បីកម្លាំងនៃយុវជន ខែ ឧសភា ឆ្នាំ ២០២១ ។
សម័យប្រជុំ
ហេតុអ្វីជាផ្លូវនៃសេចក្តីសញ្ញា
ការដកស្រង់
តើអ្វីទៅជាផ្លូវនៃសេចក្តីសញ្ញា ? វាជាផ្លូវមួយដែលនាំទៅដល់នគរសេឡេស្ទាលរបស់ព្រះ ។ យើងចាប់ផ្ដើមដើរលើផ្លូវតាមច្រកទ្វារនៃពិធីបុណ្យជ្រមុជទឹក ។…
មនុស្សខ្លះអាចនិយាយថា « ខ្ញុំអាចជ្រើសរើសត្រឹមត្រូវបាន ទោះបើមាន ឬគ្មានពិធីបុណ្យជ្រមុជទឹកក្តី ខ្ញុំពុំចាំបាច់ត្រូវការសេចក្តីសញ្ញាដើម្បីក្លាយជាបុគ្គលគួរឲ្យគោរព និងជោគជ័យនោះទេ » ។… តើអ្វីជាភាពខុសគ្នានៃផ្លូវនៃសេចក្តីសញ្ញា ?
តាមពិតទៅ ភាពខុសគ្នាគឺមានសារៈសំខាន់ពិសេស និងអស់កល្បជានិច្ច ។…
ទីមួយគឺជាលក្ខណៈនៃការគោរពប្រតិបត្តិចំពោះព្រះ ។ យើងមិនត្រឹមតែមានបំណងនោះទេ គឺយើងតាំងចិត្តយ៉ាងខ្លាំងក្លា ដើម្បីរស់នៅតាមគ្រប់ទាំងព្រះបន្ទូលដែលចេញពីព្រះឱស្ឋរបស់ព្រះ ។ ចំណុចនេះ យើងធ្វើតាមគំរូរបស់ព្រះយេស៊ូវគ្រីស្ទ ។…
ផ្នែកសំខាន់ពិសេសទីពីរអំពីផ្លូវនៃសេចក្ដីសញ្ញា គឺទំនាក់ទំនងរបស់យើងជាមួយនឹងព្រះអាទិទេព ។ សេចក្ដីសញ្ញាដែលព្រះប្រទានដល់កូនចៅទ្រង់គឺលើសពីការដឹកនាំយើងទៅទៀត ។ វាចងភ្ជាប់យើងនឹងទ្រង់ ។…
ការណ៍នេះដឹកនាំយើងទៅរកការពិចារណាពីពរជ័យសំខាន់ពិសេសទីបី អំពីផ្លូវនៃសេចក្ដីសញ្ញា ។ ព្រះប្រទានអំណោយទានមួយដ៏មានតម្លៃបំផុតដើម្បីជួយពួកអ្នកចុះសេចក្ដីសញ្ញា ឲ្យក្លាយជាពួកអ្នកគោរពតាមសេចក្ដីសញ្ញាគឺ ៖ អំណោយទាននៃព្រះវិញ្ញាណបរិសុទ្ធ ។…
ទីបួន អស់អ្នកដែលដើរនៅលើផ្លូវនៃសេចក្ដីសញ្ញា ក៏រកឃើញពរជ័យដ៏ពិសេសនៅក្នុងការប្រមូលផ្ដុំផ្សេងៗដែលព្រះបានចាត់ [ ដូចជាការប្រជុំសាក្រាម៉ង់ និងការថ្វាយបង្គំក្នុងព្រះវិហារបរិសុទ្ធផងដែរ ] ។…
ជាទីបញ្ចប់ មានតែការដើរនៅលើផ្លូវនៃសេចក្ដីសញ្ញាប៉ុណ្ណោះ ទើបយើងទទួលបានពរជ័យនៃអ័ប្រាហាំ អ៊ីសាក និងយ៉ាកុប ជាពរជ័យចុងក្រោយនៃសេចក្ដីសង្គ្រោះ និងភាពតម្កើងឡើង ដែលមានតែព្រះប៉ុណ្ណោះទើបអាចប្រទានឲ្យបាន ។…
ចូរយើងត្រងត្រាប់ស្ដាប់តាមការអំពាវនាវរបស់ព្យាការីឲ្យបន្តនៅលើផ្លូវនៃសេចក្ដីសញ្ញានេះ ។