« ខ្ញុំចូលចិត្តមើលព្រះវិហារបរិសុទ្ធ » ដើម្បីកម្លាំងនៃយុវជន ខែ ឧសភា ឆ្នាំ ២០២១ ។
សម័យប្រជុំព្រឹកថ្ងៃសៅរ៍
ខ្ញុំចូលចិត្តមើលព្រះវិហារបរិសុទ្ធ
ការដកស្រង់
ព្រះវិហារបរិសុទ្ធ ឌឺបាន អាហ្វ្រិកខាងត្បូង
ខ្ញុំដឹងថា ព្រះវិហារបរិសុទ្ធទាំងឡាយរបស់ព្រះអម្ចាស់ គឺជាទីដ៏បរិសុទ្ធ ។ គោលបំណងរបស់ខ្ញុំនិយាយអំពីព្រះវិហារបរិសុទ្ធនៅថ្ងៃនេះ គឺដើម្បីបង្កើនបំណងប្រាថ្នារបស់បងប្អូន និងខ្ញុំឲ្យមានភាពស័ក្ដិសម ហើយត្រៀមខ្លួនជាស្រេចក្នុងការបង្កើនឱកាសដើម្បីទទួលបទពិសោធន៍នៃព្រះវិហារបរិសុទ្ធដែលនឹងមានសម្រាប់យើង ។…
បើបងប្អូន ឬខ្ញុំទៅព្រះវិហារបរិសុទ្ធដោយពុំមានភាពបរិសុទ្ធគ្រប់គ្រាន់ នោះយើងនឹងមិនអាចមើលឃើញ ដោយព្រះចេស្ដានៃព្រះវិញ្ញាណបរិសុទ្ធ នូវការបង្រៀនខាងវិញ្ញាណអំពីព្រះអង្គសង្គ្រោះដែលយើងអាចទទួលនៅក្នុងព្រះវិហារបរិសុទ្ធឡើយ ។
នៅពេលយើងមានភាពស័ក្ដិសមដើម្បីទទួលការបង្រៀនបែបនោះ ទីនោះហើយដែលយើងអាចរីកចម្រើនតាមរយៈបទពិសោធន៍ក្នុងព្រះវិហារបរិសុទ្ធរបស់យើង នូវសេចក្ដីសង្ឃឹម អំណរ និងសុទិដ្ឋិនិយមអស់មួយជីវិតរបស់យើង ។ សេចក្តីសង្ឃឹម អំណរ និងសុទិដ្ឋិនិយម គឺមានតែតាមរយៈការទទួលពិធីបរិសុទ្ធនានា ដែលបានធ្វើឡើងនៅក្នុងព្រះវិហារបរិសុទ្ធដ៏បរិសុទ្ធប៉ុណ្ណោះ ។ វាស្ថិតនៅក្នុងព្រះវិហារបរិសុទ្ធនេះហើយ ដែលយើងអាចទទួលបានទំនុកចិត្តពីទំនាក់ទំនងគ្រួសារដែលពេញដោយក្តីស្រឡាញ់ ដែលនឹងបន្ដក្រោយពីសេចក្ដីស្លាប់ និងរហូតដល់ភាពអស់កល្បជានិច្ច ។…
… ហើយយើងដឹងថា សុភមង្គលដ៏នៅអស់កល្បជានិច្ចរបស់យើងអាស្រ័យទៅលើការខិតខំដ៏អស់ពីសមត្ថភាពរបស់យើង ដើម្បីផ្ដល់សុភមង្គលដ៏នៅជានិរន្ដរដូចគ្នានេះ ទៅកាន់សាច់ញាតិជាច្រើនរបស់យើងតាមដែលយើងអាចធ្វើទៅបាន ។
ខ្ញុំមានបំណងប្រាថ្នាចង់ទទួលបានជោគជ័យនៅក្នុងការអញ្ជើញសមាជិកគ្រួសារដែលនៅរស់ ឲ្យមានបំណងប្រាថ្នាដើម្បីមានភាពស័ក្តិសមទទួល និងគោរពតាមពិធីបរិសុទ្ធនៃការផ្សារភ្ជាប់នៅព្រះវិហារបរិសុទ្ធដូចគ្នា ។ នោះគឺជាចំណែកនៃការប្រមូលផ្ដុំអ៊ីស្រាអែលដែលបានសន្យានៅក្នុងថ្ងៃចុងក្រោយនៅទាំងសងខាងនៃវាំងនន ។