« ដំណើរផ្ទាល់ខ្លួននៃកូនរបស់ព្រះ » ដើម្បីកម្លាំងនៃយុវជន ខែ ឧសភា ឆ្នាំ ២០២១ ។
សម័យប្រជុំរសៀលថ្ងៃសៅរ៍
ដំណើរផ្ទាល់ខ្លួននៃកូនរបស់ព្រះ
ការដកស្រង់
មនុស្សម្នាក់ៗដែលមកផែនដីនេះគឺជាបុត្រា ឬបុត្រីដ៏ពិសេសរបស់ព្រះ ។ ដំណើរផ្ទាល់ខ្លួនរបស់យើងពុំបានចាប់ផ្ដើមនៅពេលចាប់កំណើតនោះទេ ។ មុនពេលយើងកើតមក យើងបាននៅជាមួយគ្នាក្នុងពិភពមួយនៃការរៀបចំ ជាកន្លែងដែលយើង « បានទទួលមេរៀនមុនដំបូង [ របស់យើង ] នានា នៅពិភពនៃពួកវិញ្ញាណ » [ គោលលទ្ធិ និង សេចក្ដីសញ្ញា ១៣៨:៥៦ ] ។…
ក្នុងនាមជាកូនចៅនៃសេចក្ដីសញ្ញារបស់ព្រះ យើងស្រឡាញ់ គោរព បីបាច់ ការពារ និងស្វាគមន៍វិញ្ញាណទាំងនោះដែលកំពុងមកពីពិភពមុនជីវិតនេះ ។…
… ប្រធាន ហ្គរដុន ប៊ី ហ៊ិងគ្លី… បានមានប្រសាសន៍ថា «… ការរម្លូតកូនគឺជាអំពើអាក្រក់ ឃោរឃៅ … ដែលកំពុងតែរាលដាលនៅពាសពេញផែនដី » ។
… ចូរយើងចែកចាយអារម្មណ៍ដ៏ជ្រាលជ្រៅរបស់យើងអំពីភាពបរិសុទ្ធនៃជីវិត ជាមួយនឹងអ្នកទាំងឡាយដែលធ្វើការសម្រេចចិត្តនៅក្នុងសង្គម ។ ពួកគេប្រហែលជាមិនពេញចិត្តនឹងអ្វីដែលយើងជឿ ប៉ុន្តែយើងអធិស្ឋានថា ពួកគេនឹងយល់កាន់តែពេញលេញពីមូលហេតុ ដែលសម្រាប់យើង ការសម្រេចចិត្តទាំងនេះគឺល្អលើសពីអ្វីដែលមនុស្សម្នាក់ចង់បានសម្រាប់ជីវិតផ្ទាល់ខ្លួនរបស់គាត់ទៅទៀត ។…
ខ្ញុំសូមថ្លែងទីបន្ទាល់ថា ដំណើររបស់យើងផ្ទាល់ ក្នុងនាមជាបុត្ររបស់ព្រះ ពុំបានចាប់ផ្ដើមនៅដង្ហើមដំបូងដែលចូលក្នុងសួតរបស់បងប្អូននោះទេ ហើយវានឹងមិនបញ្ចប់នៅពេលបងប្អូនដកដង្ហើមចុងក្រោយក្នុងជីវិតរមែងស្លាប់នេះដែរ ។
សូមយើងចងចាំជានិច្ចថា កូនវិញ្ញាណម្នាក់ៗរបស់ព្រះ នឹងមកផែនដីនេះតាមដំណើរផ្ទាល់ខ្លួនរបស់គាត់ផ្ទាល់ ។ ចូរយើងស្វាគមន៍ពួកគេ ការពារពួកគេ ហើយស្រឡាញ់ពួកគេជានិច្ច ។ កាលដែលបងប្អូនទទួលយកកូនដ៏មានតម្លៃទាំងនេះនៅក្នុងព្រះនាមនៃព្រះអង្គសង្គ្រោះ ហើយជួយពួកគេនៅក្នុងដំណើរដ៏អស់កល្បរបស់ពួកគេ ខ្ញុំសូមសន្យាដល់បងប្អូនថា ព្រះអម្ចាស់នឹងប្រទានពរដល់បងប្អូន ហើយចាក់សេចក្ដីស្រឡាញ់ និងការយល់ព្រមរបស់ទ្រង់មកលើបងប្អូន ។