« តើព្រះអង្គសង្គ្រោះរបស់យើងបានធ្វើអ្វីខ្លះសម្រាប់យើង ? » ដើម្បីកម្លាំងនៃយុវជន ខែ ឧសភា ឆ្នាំ ២០២១ ។
សម័យប្រជុំបព្វជិតភាព
តើព្រះអង្គសង្គ្រោះរបស់យើងបានធ្វើអ្វីខ្លះសម្រាប់យើង ?
ការដកស្រង់
តើព្រះយេស៊ូវគ្រីស្ទបានធ្វើអ្វីខ្លះសម្រាប់យើងម្នាក់ៗ ? ទ្រង់បានធ្វើអ្វីៗទាំងអស់ដែលចាំបាច់សម្រាប់ការធ្វើដំណើរនៅក្នុងជីវិតរមែងស្លាប់របស់យើង ឆ្ពោះទៅកាន់ជោគវាសនាដែលបានគ្រោងទុកនៅក្នុងផែនការរបស់ព្រះវបិតាសួគ៌របស់យើង ។ ខ្ញុំនឹងនិយាយពីគោលការណ៍ចំនួនបួនដែលបង្ហាញពីផែនការនោះ ។…
ដំណើររស់ឡើងវិញផ្ដល់ដល់យើងនូវទស្សនវិស័យ និងកម្លាំងដើម្បីតស៊ូនឹងឧបសគ្គក្នុងជីវិតរមែងស្លាប់នេះ ដែលយើងម្នាក់ៗ និងមនុស្សដែលយើងស្រឡាញ់ត្រូវប្រឈម ។ ការរស់ឡើងវិញផ្តល់ឲ្យយើងនូវរបៀបថ្មីមួយដើម្បីគិតអំពីភាពទន់ខ្សោយខាងរាងកាយ ស្មារតី ឬខាងសតិអារម្មណ៍ ដែលយើងមានតាំងពីកំណើត ឬទទួលបាននៅក្នុងជីវិតរមែងស្លាប់នេះ ។ វាផ្តល់ដល់យើងនូវកម្លាំងដើម្បីតស៊ូនឹងការសោកសៅ ការបរាជ័យ និងការខូចចិត្ត ។
ដំណើររស់ឡើងវិញនេះផ្ដល់ឲ្យយើងនូវការលើកទឹកចិត្តដ៏មានអានុភាព ដើម្បីគោរពតាមព្រះបញ្ញតិ្តរបស់ព្រះក្នុងអំឡុងជីវិតរមែងស្លាប់របស់យើង ។…
ព្រះអង្គសង្គ្រោះ និងព្រះប្រោសលោះយើងបានស៊ូទ្រាំនូវការរងទុក្ខដែលយើងមិនអាចយល់បាន ដើម្បីធ្វើពលិកម្មសម្រាប់អំពើបាបរបស់មនុស្សទាំងអស់ដែលនឹងប្រែចិត្ត ។ ពលិកម្មដ៏ធួននេះបានថ្វាយនូវអ្វីដែលល្អបំផុត …គឺកូនចៀមឥតខ្ចោះឥតស្លាកស្នាមសម្រាប់អំពើអាក្រក់ដ៏ហួសប្រមាណ ដែលជាអំពើបាបនៃពិភពលោកទាំងមូល ។
… ព្រះយេស៊ូវបានបង្រៀនយើងនូវផែនការនៃសេចក្ដីសង្គ្រោះ ។ ផែនការនេះរួមមាន ការបង្កបង្កើត គោលបំណងនៃជីវិតនេះ ភាពចាំបាច់នៃភាពផ្ទុយ និងអំណោយទាននៃសិទ្ធិជ្រើសរើស ។ ទ្រង់ក៏បានបង្រៀនយើងនូវបទបញ្ញត្តិ និងសេចក្តីសញ្ញាដែលយើងត្រូវតែប្រតិបត្តិតាម ព្រមទាំងពិធីបរិសុទ្ធទាំងឡាយដែលយើងត្រូវតែដកពិសោធន៍ ដើម្បីនាំយើងត្រឡប់ទៅកាន់ព្រះមាតាបិតាសួគ៌របស់យើងវិញផងដែរ ។…
ព្រះអង្គសង្គ្រោះយើងដឹង និងស្គាល់ពីការល្បួងរបស់យើង ការលំបាករបស់យើង ការពុះពាររបស់យើង ការខូចចិត្តរបស់យើង និងការរងទុក្ខរបស់យើង ពីព្រោះទ្រង់ស្ម័គ្រព្រះទ័យដកបទពិសោធន៍ការណ៍ទាំងនោះ ដែលជាផ្នែកមួយនៃដង្វាយធួនរបស់ទ្រង់ ។… អស់អ្នកដែលរងទុក្ខគ្រប់យ៉ាងក្នុងជីវិតរមែងស្លាប់នេះ គួរតែចាំថា ព្រះអង្គសង្គ្រោះក៏បានឆ្លងកាត់ការឈឺចាប់បែបនេះផងដែរ ហើយថាតាមរយៈដង្វាយធួនរបស់ទ្រង់ នោះទ្រង់ប្រទានកម្លាំងឲ្យយើងម្នាក់ៗអាចទ្រាំទ្រនឹងទុក្ខលំបាកនេះបាន ។