« ព្រះនៅក្នុងចំណោមពួកយើង » ដើម្បីកម្លាំងនៃយុវជន ខែ ឧសភា ឆ្នាំ ២០២១ ។
សម័យប្រជុំព្រឹកថ្ងៃអាទិត្យ
ព្រះនៅក្នុងចំណោមពួកយើង
ការដកស្រង់
ពេលយើងមានអារម្មណ៍ថា ខ្លួនឯងមិនសូវសំខាន់ ត្រូវគេបោះបង់ និងបំភ្លេចចោល នោះយើងដឹងថា យើងអាចទទួលបានការអះអាងថា ព្រះមិនភ្លេចយើងទេ—ការពិតទៅ គឺទ្រង់ផ្ដល់អ្វីមួយដែលមិននឹកស្មានមិនដល់ដល់បុត្រាបុត្រីទាំងអស់របស់ទ្រង់ ៖ ដើម្បីក្លាយជា « អ្នកគ្រងមរតកនៃព្រះជាមួយនឹងព្រះគ្រីស្ទ » [ រ៉ូម ៨:១៧ ] ។…
ដោយសារតែព្រះយេស៊ូវគ្រីស្ទ នោះកំហុសរបស់យើងមិនកំណត់ពីយើងឡើយ ។ កំហុសនោះអាចបន្សុទ្ធយើងវិញ ។…
បើយើងប្រែចិត្ត នោះកំហុសមិនអាចធ្វើឲ្យយើងមិនស័ក្ដិសមបានទេ ។ កំហុសជាផ្នែកមួយនៃការរីកចម្រើនរបស់យើង ។…
ជារឿយៗ ខ្ញុំងឿងឆ្ងល់ថា តើព្រះយេស៊ូវនឹងបង្រៀន ហើយធ្វើអ្វីខ្លះ បើទ្រង់គង់នៅក្នុងចំណោមពួកយើងថ្ងៃនេះ ?…
ព្រះអង្គសង្គ្រោះតែងតែបង្រៀនពីសេចក្ដីពិតដ៏អស់កល្ប ។ សេចក្ដីពិតទាំងនោះអនុវត្តចំពោះមនុស្សគ្រប់វ័យ និងគ្រប់កាលៈទេសៈ ។
សារលិខិតរបស់ទ្រង់ធ្លាប់ជា និងនៅតែជាសារលិខិតនៃសេចក្ដីសង្ឃឹម និងមានចំណែក—ជាទីបន្ទាល់មួយដែលថា ព្រះជាព្រះវរបិតាសួគ៌យើងមិនបោះបង់បុត្រាបុត្រីរបស់ទ្រង់ឡើយ ។
ថាព្រះគង់នៅក្នុងចំណោមពួកយើង !…
កាលយើងព្យាយាមធ្វើតាមព្រះយេស៊ូវគ្រីស្ទ និងដើរលើផ្លូវនៃភាពជាសិស្ស មួយបន្ទាត់ម្ដងៗ នោះថ្ងៃនោះនឹងមកដល់ ពេលដែលយើងនឹងដកពិសោធន៍នូវអំណោយទានដែលនឹកស្មានមិនដល់នោះ គឺការទទួលបានភាពពេញលេញនៃអំណរ ។…
ខ្ញុំសូមផ្ដល់សេចក្ដីស្រឡាញ់ និងពរជ័យរបស់ខ្ញុំដល់បងប្អូននៅរដូវបុណ្យអ៊ីស្ទើរដ៏រីករាយនេះ ។ សូមបើកចិត្តបងប្អូនចំពោះព្រះអង្គសង្គ្រោះ និងព្រះប្រោសលោះរបស់យើង មិនថាបងប្អូនស្ថិតក្នុងកាលៈទេសៈណាទេ មិនថាការសាកល្បង ការរងទុក្ខ ឬកំហុសអ្វីឡើយ បងប្អូនអាចដឹងថា ទ្រង់មានព្រះជន្មរស់ ថាទ្រង់ស្រឡាញ់បងប្អូន ហើយដោយសារតែទ្រង់ នោះបងប្អូននឹងមិនឯកោឡើយ ។
ព្រះគង់នៅក្នុងចំណោមពួកយើង ។