« កូវីដ-១៩ និងព្រះវិហារបរិសុទ្ធ » ដើម្បីកម្លាំងនៃយុវជន ខែ ឧសភា ឆ្នាំ ២០២១ ។
សម័យប្រជុំរសៀលថ្ងៃអាទិត្យ
កូវីដ-១៩ និងព្រះវិហារបរិសុទ្ធ
ការដកស្រង់
នៅដើមឆ្នាំមុន ពីព្រោះតែជំងឺរាតត្បាតសកល កូវីដ-១៩ និងបំណងប្រាថ្នារបស់យើងដើម្បីធ្វើជាពលរដ្ឋល្អនៅទូទាំងពិភពលោក យើងបានធ្វើការសម្រេចចិត្តដ៏លំបាកក្នុងការបិទព្រះវិហារបរិសុទ្ធទាំងអស់ជាបណ្តោះអាសន្ន ។ ក្រោយពីការបិទអស់រយៈពេលប៉ុន្មានខែមក យើងបានទទួលអារម្មណ៍ការបំផុសគំនិតឲ្យបើកព្រះវិហារបរិសុទ្ធឡើងវិញបន្តិចម្តងៗ ដោយមានវិធានការយ៉ាងប្រុងប្រយ័ត្ន ។ ឥឡូវនេះ ព្រះវិហារបរិសុទ្ធបានបើក និងកំពុងប្រតិបត្តិការនៅក្នុងដំណាក់កាលបួន ដោយប្រកាន់ខ្ជាប់តាមបទបញ្ជារដ្ឋាភិបាលក្នុងស្រុក និងពិធីការសុវត្ថិភាពយ៉ាងតឹងតែង ។…
យើងមានអំណរគុណចំពោះសេចក្តីអំណត់របស់បងប្អូន និងការបម្រើដ៏ស្មោះស្ម័គ្រនៅអំឡុងគ្រានៃការផ្លាស់ប្តូរ និងដ៏មានឧបសគ្គនេះ ។ ខ្ញុំសូមបួងសួងឲ្យបំណងប្រាថ្នារបស់បងប្អូនក្នុងការថ្វាយបង្គំ និងបម្រើនៅក្នុងព្រះវិហារបរិសុទ្ធកាន់តែខ្មួលខ្មាញ់ឡើង សម្រាប់ពេលឥឡូវ និងជារៀងដរាប ។
បងប្អូនប្រហែលជាកំពុងឆ្ងល់ថា តើពេលណាដែលបងប្អូនអាចត្រឡប់ទៅព្រះវិហារបរិសុទ្ធវិញបាន ។ ចម្លើយ ៖ ព្រះវិហារបរិសុទ្ធរបស់បងប្អូននឹងបើក នៅពេលដែលបទបញ្ជារដ្ឋាភិបាលក្នុងស្រុកអនុញ្ញាតឲ្យ ។…
ទន្ទឹមនឹងនេះ សូមរក្សាសេចក្តីសញ្ញារបស់បងប្អូនក្នុងព្រះវិហារបរិសុទ្ធ និងពរជ័យទាំងឡាយដែលសំខាន់បំផុតនៅក្នុងគំនិត និងដួងចិត្តរបស់បងប្អូន ។ សូមបន្តនៅពិតចំពោះសេចក្តីសញ្ញាដែលបងប្អូនបានធ្វើ ។
យើងកំពុងសាងសង់ឥឡូវនេះដើម្បីអនាគត !…
យើងចង់នាំយកដំណាក់របស់ព្រះអម្ចាស់ ឲ្យនៅកាន់តែជិតនឹងសមាជិករបស់យើង ដើម្បីសមាជិកអាចមានឯកសិទ្ធិដ៏ពិសិដ្ឋដើម្បីចូលរួមនៅក្នុងព្រះវិហារបរិសុទ្ធ ឲ្យបានញឹកញាប់តាមកាលៈទេសៈហុចឲ្យ ។…
ព្រះវិហារបរិសុទ្ធទាំងឡាយគឺជាផ្នែកដ៏សំខាន់នៃការស្តារឡើងវិញនៃដំណឹងល្អនៃព្រះយេស៊ូវគ្រីស្ទក្នុងភាពពេញលេញ ។ ពិធីបរិសុទ្ធទាំងឡាយក្នុងព្រះវិហារបរិសុទ្ធបំពេញជីវិតរបស់យើងជាមួយអំណាច និងកម្លាំងដែលពុំមានតាមរបៀបផ្សេងទៀតឡើយ ។ យើងសូមអរព្រះគុណដល់ព្រះចំពោះពរជ័យទាំងនេះ ។