ការសន្ទនាដែលចាំបាច់

ការដកស្រង់

ស៊ីស្ទើរ ចយ ឌី ចូនស៍

អតីតប្រធានអង្គការបឋមសិក្សាទូទៅ

យើងមិនអាចរង់ចាំឲ្យការប្រែចិត្តជឿកើតឡើងចំពោះកូនៗរបស់យើងទេ ។ ការប្រែចិត្តជឿដោយចៃដន្យគឺ មិនមែន ជាគោលការណ៍នៃដំណឹងល្អនៃព្រះយេស៊ូវគ្រីស្ទទេ ។ ការប្រែក្លាយដូចជាព្រះអង្គសង្រ្គោះរបស់យើងពុំមែនកើតឡើងដោយចៃដន្យទេ ។ ការស្រឡាញ់ ការបង្រៀន និងការថ្លែងទីបន្ទាល់ដោយចេតនាពិត អាចជួយកុមារចាប់ផ្តើមតាំងពីនៅតូច ដើម្បីស្គាល់ព្រះចេស្តានៃព្រះវិញ្ញាណបរិសុទ្ធ ។ ព្រះវិញ្ញាណបរិសុទ្ធមានសារៈសំខាន់ណាស់ចំពោះទីបន្ទាល់ និងការប្រែចិត្តជឿរបស់កូនៗយើងទៅលើព្រះយេស៊ូវគ្រីស្ទ ។…

សូមពិចារណាតម្លៃនៃការសន្ទនាជាគ្រួសារអំពីដំណឹងល្អនៃព្រះយេស៊ូវគ្រីស្ទ ជាការសន្ទនា ដ៏ចាំបាច់ ដែលអាចយាងអញ្ជើញព្រះវិញ្ញាណ ។ នៅពេលយើងមានការសន្ទនាបែបនោះជាមួយកូនៗរបស់យើង គឺយើងជួយពួកគេបង្កើតគ្រឹះ « ដ៏ខ្ជាប់ខ្ជួនមួយ ជាគ្រឹះមួយបើសិនណា [ ពួកគេ ] សង់នៅលើនោះ នោះពួកគេមិនអាចរលំបានឡើយ » [ ហេលេមិន ៥:១២ ] ។

ការពិភាក្សាដ៏សំខាន់ទាំងនេះអាចដឹកនាំកូនៗឲ្យ ៖

យល់គោលលទ្ធិនៃការប្រែចិត្ត ។
មានសេចក្ដីជំនឿលើព្រះគ្រីស្ទ ជាព្រះរាជបុត្រានៃព្រះដ៏មានព្រះជន្មរស់ ។
ជ្រើសយកពិធីបុណ្យជ្រមុជទឹក និងអំណោយទាននៃព្រះវិញ្ញាណបរិសុទ្ធ នៅពេលមានអាយុប្រាំបីឆ្នាំ ។
ហើយអធិស្ឋាន « និងដើរដោយទៀងត្រង់នៅចំពោះព្រះអម្ចាស់ » [ គោលលទ្ធិ និង សេចក្ដីសញ្ញា ៦៨:២៨ ] ។…

កាលដែលកុមាររៀន ហើយរីកចម្រើន នោះជំនឿរបស់ពួកគេនឹងផ្លាស់ប្តូរ ។ ប៉ុន្តែកាលពួកគេបានបំពាក់ដោយត្រឹមត្រូវ នោះពួកគេអាចរីកចម្រើននៅក្នុងសេចក្តីជំនឿ សេចក្តីក្លាហាន ទោះបីជួបប្រទះការប្រឆាំងដ៏ខ្លាំងក្តី ។

អាលម៉ាបានបង្រៀនយើងឲ្យ « ប្រុងប្រៀបចិត្តគំនិតរបស់កុមារ » [ អាលម៉ា ៣៩:១៦ ] ។ យើងកំពុងរៀបចំជំនាន់ដែលកំពុងពេញវ័យ ដើម្បីធ្វើជាអ្នកការការពារនៃសេចក្តីជំនឿនៅអនាគត ដើម្បីយល់ថា « [ ពួកគេ ] បានសេរីភាព ដើម្បីធ្វើអ្វីៗសម្រាប់ [ ខ្លួនរបស់ពួកគេ ]—គឺដើម្បីរើសយកផ្លូវទៅឯសេចក្ដីស្លាប់ដ៏អស់កល្បជានិច្ច ឬក៏ផ្លូវទៅឯជីវិតដ៏នៅអស់កល្បជានិច្ចវិញ » [ នីហ្វៃទី២ ១០:២៣ ] ។ កុមារគួរទទួលបានការយល់ដឹងពីសេចក្តីពិតដ៏មហិមានេះ ៖ ភាពអស់កល្បជានិច្ចមិនមែនជារឿងដែលត្រូវធ្វើខុសនោះទេ ។

សូមឲ្យការន្យាដ៏ចាំបាច់ ប៉ុន្តែមានលក្ខណៈសាមញ្ញរបស់យើងជាមួយកុមារយើង ជួយពួកគេឲ្យមាន « អំណរចំពោះ ព្រះបន្ទូល អំពីជីវិតដ៏នៅអស់កល្បជានិច្ច » ឥឡូវនេះ ដើម្បីពួកគេបានរីករាយនឹង « ជីវិតដ៏នៅអស់កល្បជានិច្ចនៅឯនាបរលោក គឺជាសិរីល្អដ៏នៅអមត » [ ម៉ូសេ ៦:៥៩; ការគូសបញ្ជាក់បានបន្ថែម ] ។