« ព្រះគ្រីស្ទមានព្រះជន្មរស់ឡើងវិញ សេចក្តីជំនឿលើទ្រង់នឹងរើភ្នំចេញបាន » ដើម្បីកម្លាំងនៃយុវជន ខែ ឧសភា ឆ្នាំ ២០២១ ។
សម័យប្រជុំព្រឹកថ្ងៃអាទិត្យ
ព្រះគ្រីស្ទមានព្រះជន្មរស់ឡើងវិញ សេចក្តីជំនឿលើទ្រង់នឹងរើភ្នំចេញបាន
ការដកស្រង់
សេចក្តីជំនឿលើព្រះយេស៊ូវគ្រីស្ទគឺជាគ្រឹះនៃជំនឿទាំងអស់ និងជារបៀបដើម្បីទទួលបានព្រះចេស្ដារបស់ព្រះ ។…
អ្វីៗគ្រប់យ៉ាងដែលល្អក្នុងជីវិត—គ្រប់ពរជ័យដែលសំខាន់ដ៏អស់កល្ប—ចាប់ផ្ដើមដោយសេចក្ដីជំនឿ ។ ការទុកឲ្យព្រះឈ្នះនៅក្នុងជីវិតយើង ចាប់ផ្ដើមដោយសេចក្ដីជំនឿថា ទ្រង់ស្ម័គ្រព្រះទ័យដឹកនាំយើង ។…
បងប្អូនប្រុសស្រីជាទីស្រឡាញ់ ខ្ញុំសូមឲ្យបងប្អូនគ្រប់រូបនៅព្រឹកបុណ្យអ៊ីស្ទើរនេះសូមឲ្យ ចាប់ផ្ដើមថ្ងៃនេះ ដើម្បីបង្កើនសេចក្ដីជំនឿរបស់បងប្អូន ។ តាមរយៈសេចក្ដីជំនឿរបស់បងប្អូន នោះព្រះយេស៊ូវគ្រីស្ទនឹងបង្កើនសមត្ថភាពរបស់បងប្អូនឲ្យរើភ្នំក្នុងជីវិតរបស់បងប្អូនបាន ។…
ភ្នំរបស់បងប្អូនអាចជាភាពឯកោ ភាពសង្ស័យ ជំងឺ ឬបញ្ហាផ្ទាល់ខ្លួនផ្សេងៗទៀត ។ ភ្នំរបស់បងប្អូនអាចមានខុសៗគ្នា ប៉ុន្ដែចម្លើយចំពោះឧបសគ្គនីមួយៗរបស់បងប្អូនគឺ ត្រូវបង្កើនសេចក្ដីជំនឿរបស់បងប្អូន ។…
… ខ្ញុំសូមផ្ដល់យោបល់ចំនួនប្រាំ ដើម្បីជួយបងប្អូនឲ្យអភិវឌ្ឍសេចក្ដីជំនឿ និងការទុកចិត្តនោះ ។
ទីមួយ សូម សិក្សា ។…
ទីពីរ សូមជ្រើសរើសដើម្បី ជឿ លើព្រះយេស៊ូវគ្រីស្ទ ។…
ទីបី សូម ធ្វើសកម្មភាព ដោយជំនឿ ។…
ទីបួន សូម ទទួលទានពិធីបរិសុទ្ធពិសិដ្ឋ ដោយភាពស័ក្ដិសម ។…
ហើយទីប្រាំ ចូរ ទូលសូម ជំនួយពីព្រះវរបិតាសួគ៌របស់បងប្អូនដោយនៅក្នុងព្រះនាមនៃព្រះយេស៊ូវគ្រីស្ទ ។…
សេចក្តីជំនឿលើព្រះយេស៊ូវគ្រីស្ទគឺជា អំណាចដ៏ធំបំផុត ដែលយើងមាននៅក្នុងជីវិតនេះ ។ ការណ៍ទាំងអស់នឹងសម្រេចបានដល់អ្នកណាដែលជឿ [ សូមមើល ម៉ាកុស ៩:២៣ ] ។
សេចក្ដីជំនឿរបស់បងប្អូនទៅលើទ្រង់ ដែលចម្រើនឡើង នឹងរើភ្នំចេញ—មិនមែនជាភ្នំថ្មដែលធ្វើឲ្យផែនដីនេះស្រស់ស្អាតនោះទេ—តែជាភ្នំនៃទុក្ខសោកក្នុងជីវិតរបស់បងប្អូនវិញ ។ សេចក្ដីជំនឿ ដ៏លូតលាស់ របស់បងប្អូននឹងជួយបងប្អូនឲ្យបង្វែរឧបសគ្គទៅជាការរីកចម្រើន និងឱកាសដ៏មិនអាចប្រៀបផ្ទឹមបានវិញ ។
នៅថ្ងៃអាទិត្យបុណ្យអ៊ីស្ទើរនេះ ដោយមានសេចក្ដីស្រឡាញ់ និងការដឹងគុណដ៏ជ្រាលជ្រៅ ខ្ញុំសូមប្រកាសជាសាក្សីថា ព្រះយេស៊ូវគ្រីស្ទគឺពិតជាមានព្រះជន្មរស់ឡើងវិញ » ។ ទ្រង់មានព្រះជន្មរស់ឡើងវិញដើម្បីដឹកនាំសាសនាចក្ររបស់ទ្រង់ ។ ទ្រង់មានព្រះជន្មរស់ឡើងវិញដើម្បីប្រទានពរដល់ជីវិតកូនចៅទាំងអស់របស់ព្រះ មិនថាពួកគេរស់នៅទីណានោះទេ ។ ដោយមានសេចក្ដីជំនឿទៅលើទ្រង់ យើងអាចរើភ្នំទាំងឡាយចេញពីក្នុងជីវិតរបស់យើងបាន ។