Keememej Iaļ eo Am ļo̧k N̄an Mweeo Im̧ōm Ilan̄
Ewōr ippād waanjon̄ak eo ewappān an Jisōs Kraist n̄an ļoore, im iaļ eo ļo̧k n̄an mour indeeo emaron̄ tobrak kōn wōt katak ko An, mour eo An, im katok in pinmuur eo An—barāinwōt mej Eo an im Jerkakpeje eo An.
Ilo 1946, juon rikkatak eo em̧m̧an ded Arthur Hasler ekar jaṃbo lōn̄ļo̧k n̄an toļ turin ļo̧k wōt m̧weeo im̧ōn ke eaar dik en̄jake in ekar tōl ļo̧k e n̄an juōn men eo aorōk ekar lo kōn wāween an ek jeļā iaļ eo aer n̄an ijo rōkar ļotak ie.
Tallōn̄ ļōnļo̧k n̄an toļ en, kijer in ekar alikkar bwe ilo kar kōtrāāk eo em̧m̧an ippān ilo tōre eo ej dik, ilo jidimkij Hasler ekar kaju jab ememej jabdewōt. Ekar ba “Āinwōt juōn aeṃōḷoḷo, emenonoik bwin mālu in mosses im columbine, erolool ilo peḷaakin iaļ eo ejimwe, meļeļe ko kōn kōtrāāk in im koppan ilo ioon toļ eo ekar jidimkij an itōk juōn lom̧nak n̄an kōļmenļo̧kjeņ eo.”1
Lem kein rekōm̧m̧an bwe en bar ememejļo̧k iien ko an ke eaar ajri wōt im kakeememeje kōn m̧weeo im̧ōn.
Eḷan̄n̄e lem kein rej kakeememej e tōk iien ko n̄an e, ej ļōmņak bōlen unin bwiin kein emaron̄ āinwōt nemāmei salmon eo, ālikin elōn̄ iiō ilo lometo, eo, renaaj bar jepļaak n̄an jokwe ilo jikin ko rekar ļōtak ie.
Pedped ioon en̄jake in, Hasler, kobaļo̧k ippān rikkatak ro jet, rekar wōnm̧aanļo̧k wōt im kwaļo̧k bwe salmon ej lukkuun keememej bwe ekar jipan̄ er jerake taujin m̧ail n̄an pukot iaļ eo aer ļo̧k n̄an kapijuknen jān meto ko.
Bwebwenato in ekar kōm̧m̧an bwe in ḷōmṇak bwe juōn ian men ko raorōktata jemaron̄ kōm̧m̧ane ilo mour in ej lo im keememej iaļad ļo̧k n̄an Jemedwōj Ilan̄ im tōmak wōt im leṃōṇōṇō niknik n̄an jemļo̧k in iaļ in.
Ij ļōmņak kōn kein kakeememej ko emān me, n̄e kojerbali im mour kake ilo mour ko ad aolep iien, emaron̄ karuj en̄jake ko ad kōn kapijuknen eo ad ilan̄.
Juon, Jemaron̄ Keememej Bwe Jej Ajri ro Nejin Anij
Ewōr juon ad jolet ekwojarjar. Jeļā bwe jej ro nejin Anij im bwe E ekōņaan bwe jen ro̧o̧l n̄an im̧aan Mejān ej juon iaan bun̄tōn nee ko jinointata ilo iaļ in ad ļo̧k n̄an kapijuknen eo ad ilan̄.
Kakeememej eok make kōn jolet in. Kōm̧m̧an iien emakijkij n̄an kōkajoorļo̧k mour in jetōb eo am̧ n̄an keememej kōjeraam̧m̧an ko kwaar būki jān Irooj. Lōke tōl eo kwaar bōke jān E, ijelo̧kin oktakļo̧k n̄an jon̄an eo an mour in kōn aorōk eo am̧ im pukot iaļ eo am̧.
Jet iien remootļo̧k ikar loļo̧k juon eo ejitenbōro ālkin an kar pād ilo aujpitōl. Ekar ba n̄an n̄a ilo an būrom̧ōj ke eaar babu ioon peet eo ilo aujpitōl, men eo de eo ekar kōņaan bwe juon en al al eo “N̄a nejin Anij.” Ļōmņak ne make, eaar ba, leļo̧k n̄an e aenōm̧m̧an eo ej aikuji ilo awa in metak.
Jeļā kōn wōn kwe ekōm̧m̧an oktak kōn ta eo kwoj en̄jake im ta eo kwoj kōm̧m̧ane.
Meļeļe wōn lukkuun kwe elukkuun kōpooj eok n̄an kile im keememej iaļ eo am̧ ļo̧k n̄an kapijuknen eo ad ilan̄ im n̄an pād ijeņ.
Ruo, Jemaron̄ Keememej Pedped eo Me ej Kōjparok Kōj
Menin kajoor ej itōk n̄an kōj eļan̄n̄e jenaaj pād wōt ilo ad wanōk, m̧o̧o̧l, im tiljek wōt n̄an Jemedwōj Ilan im Jisōs Kraist, men̄e ro jet rejab ļo̧o̧r kien ko im pedped ko an lo̧mo̧o̧r2
Ilo Bok in Mormon, Hilamōn ekar katakin ļaddik ro nejin bwe ren keememej bwe rej aikuj kalōk pedped ko aer ioon Jisōs Kraist n̄an kōkajoor er jān menin kapo ko an rikapo eo. Kōto ko im ļan̄ ko an Setan rej jook iood, ak enaaj ejjeļo̧k kajoor n̄an bōklaļļo̧k kōj n̄e jenaaj likūt tōmak ko ad ilo jikin eo ejokne—ippān ad Ripinmuur.3
Ijeļā jān en̄jake eo aō make bwe ilo ad kālet n̄an ron̄jake Ainikien im ļoor E, jenaaj bōk jipan̄ eo An. Jenaaj bōk eļapļo̧k lōke ilo jekjek ko ad im juon meļeļe eo em̧wilaļļo̧k kōn jibadbad eo an mour in. Jenaaj en̄jake an jetōb im̧we kōj n̄an kapijuknen.
Kein kajilu, Jemaron̄ Keememej im Jar Aolep Iien
Jej mour ilo juon iien eo me ilo juōn wōt un̄n̄ūr ak ainikien kakien, jenaaj maron̄ jino pukot uwaak ko ilo enan̄in aolep unin kōnono me peba ko kar kakoņi im kar ejaaki ilo juon jikin kakkonkon ak ilo kamputōr ko.
Ilo bar juōn wāween, jenaaj jino pukot karuwainene in uwaak ko jān lan̄. “Jar wōt, im Inaaj lutōkleplep Jetōb eo Aō ioom.” Im Irooj ekar kallimūr, “Im jeraam̧m̧an enaaj kanooj am—aaet, eļapļo̧k jān joñan eo konaaj am naaj kar bōk menin jolet ko an laļ laļ laļin.”4
Anij eļap an jeļā kōn kōj kajjojo im ej pojak n̄an ron̄jake jar ko ad. N̄e jej keememej im jar, jemaron̄ lo iakwe eo An, im toun wōt ad jar n̄an Jemedwōj Ilan̄ ilo etan Kraist, jej bar bōktok Rilo̧mo̧o̧r n̄an mour kein ad im em̧m̧an eo jenaj marōn jeļā iaļ eo E kar kallikar e tok n̄an m̧weo imōd ilan̄.
Kein kemān, Jemaron̄ Keememej n̄an Jerbal n̄an ro Jet
Ilo ad kajjieon̄ ļoor Jisōs Kraist jān jerbal in jipan̄ im kwaļo̧k jouj n̄an ro jet, jej kōmmanmanļo̧k bwe laļin en em̧m̧an.
Jerbal ko ad remaron̄ lukkuun kōjeraam̧m̧an mour ko an ro ipeļakid im mour ko ad barāinwōt. Jerbal ilo Iakwe ej bōktok lan̄lōn̄ n̄an jim̧ōr rijipan̄ eo im armej eo.
Jab dodoorḷọk kōjatdikdik eo ippam n̄an im̧we ro jet n̄an em̧m̧an, jim̧or kōn kōm̧m̧an ko am ilo jerbal in jipan̄ im kōn waanjon̄ak in jerbal in jipan̄ eo am.
Jerbal in jipan̄ n̄an ro jet ej tōlļo̧k kōj ilo iaļ in n̄an m̧weo im̧ōd ilan̄— iaļ eo n̄an erom̧ āinwōt Rilo̧mo̧o̧r.
Ilo 1975, men eo ekar waḷọk ilo juon pata ikōtaan ruo laļ, Arnaldo im Eugenia Teles Grilo im ajri ro nejierro rekar em̧m̧akūt jān m̧weo imweer im aolep men ko rekar kalōk ilo ium̧win iiō ko rellōn̄. Ilo jikin eo aer ilo Portugal, Brother im sister Teles Grilo rekar ioon apan̄ n̄an bar jino jān jinoin. Bōtaab ilo iiō ko, ālkin aer kar koba tok n̄an Kabun̄ eo an Jisōs Kraist im Armej ro Rekwojarjar Raan Ko Āliktata, rekar ba, “aolep men ko m̧ōiār rekar jako, ak men eo em̧m̧an kōnke ekar kipel kōm̧ n̄an ļōmņake kōjeraam̧m̧an ko raorōk indeeo.”5
Eaar jako m̧weo im̧weer ilo mour in, ak raar lo iaļ eo aer ļo̧k n̄an kapijuknen eo aer ilan̄.
Jabdewōt men eo kwōj likūt ilikūn n̄an ļoor iaļ eo naaj juōn raan enaaj āinwōt n̄e ekar ejjeļo̧k kijejeto im kaarmejet n̄an jidik.
Ewōr ippād waanjon̄ak eo ewappān an Jisōs Kraist n̄an ļoore, im iaļ eo ļo̧k n̄an mour indeeo emaron̄ tōbrak kōn wōt katak ko An, mour eo An, im katok in pinmuur eo An—barāinwōt mej eo An im Jerkakpeje eo An.
Ij karuwaineneik kom̧ n̄an en̄jake menin lan̄lōn̄ eo ilo ememej bwe kōj wōj ej nejin Anij im bwe kōn An iakwe laļ ekar jilkintok Nejin6 n̄an kwaļo̧k n̄an kōj iaļ eo. Ij karuwaineneik kom̧ n̄an keememej n̄an tiljek, n̄an ukōt mour eo am n̄an Rilo̧mo̧o̧r im kalōk pedped eo am Ioon. Keememej im jar aolep iien ilo iaļ eo am im jipān ro jet ilo iaļ eo am.
Ro jeiū im jatū rejitōnbōro, ilo raan in Jabōt in Ijtō in, ij kwaļo̧k aō naan in kam̧ool bwe Jisōs Kraist ej Ripinmuur im Rilo̧mo̧o̧r an laļin. E wōt eo me emarōn bōkļo̧k kōj n̄an mour eo ekaṃōṇōṇō im tōl kōj ilo iaļ eo ad. Kōm̧m̧an bwe jen keememej im ļoor E ļo̧k n̄an kapijuknen. Ilo etan Jisōs Kraist, amen.